ئاگاداریەک لە وەزارەتى پەروەردەى هەرێمەوە بۆ سەرجەم مامۆستایان و خوێندکاران

KNN : Kurdish News Network
11:37 - 09/04/2021
کوردستان

بەڕێوەبەرایەتى گشتى پلاندانانی پەروەردەیی رایدەگەیەنێت، کۆدی بەکارهێنەر  و وشەی نهێنی تایبەت بە سیستەمی (eWane) بۆ ئەو قوتابی و خوێندکارانەی ئەم ساڵی خوێندن گواستراونەتەوە گۆڕاوە و پێویستە وشەی بەکارهێنەر و وشەی نهێنییە نوێیەکە بگاتە دەستی قوتابی.

لە ئاگادارکردنەوەیەکدا بۆ سەرجەم خوێندکاران و مامۆستایان، بەڕێوەبەرایەتى گشتى پلاندانانی پەروەردەیی رایدەگەیەنێت، ئەو مامۆستایانەی (هەمیشەیی، وانەبێژ، گرێبەست) کە لەم ساڵەی خوێندن لە قوتابخانەیەک بۆ قوتابخانەیەکی دیکە گواسترونەتەوە، پێویستە کارگێری قوتابخانەکەی ئێستای کۆدی بەکارهێنەر و وشەی نهێنی تایبەت بە قوتابخانەی ئەلیکترونی (eWane) بداتێ.

ئاماژە بەوەش دەکەن، کارگێری قوتابخانەکان بە هیچ شێوەیەک نابێت کۆدی بەکارهێنەر وشەی نهێنی قوتابیان و مامۆستایان کە تایبەتە بە قوتابخانەی ئەلیکترونی (eWane) لە تۆڕە کۆمەڵایەتیەکان بڵاوبکەنەوە.


دەقى راگەیەنراوەکە:

سەبارەت بە پلاتفۆرمی قوتابخانەی ئەلیکترۆنی (eWane) ئاگاداری قوتابخانەکان دەکەینەوە کە :

1.  ئەو قوتابی و خوێندکارانەی ئەم ساڵی خوێندن گواستراونەوه، کۆدی بەکارهێنەر  و وشەی نهێنی تایبەت بە سیستەمی ewane  گۆڕاوە، پێویستە وشەی بەکارهێنەر و وشەی نهێنییە نوێیەکە بگاتە دەستی قوتابی.

2. ئەو مامۆستایانەی (هەمیشەیی، وانەبێژ، گرێبەست) کە لەم ساڵەی خوێندن لە قوتابخانەیەک بۆ قوتابخانەیەکی دیکە گواستنراوە، پێویستە کارگێری قوتابخانەکەی ئێستای کۆدی بەکارهێنەر  و وشەی نهێنی تایبەت بە قوتابخانەی ئەلیکترونی ewane بداتێ.

3. کارگێری قوتابخانەکان (ڕاهێنەری قوتابخانە)  پێویستە بە زووترین کات سەردانی سیستەمی e-Parwarda  بکات بۆ دابەزاندنی ڕاپۆرتی تایبەت بە کۆدی بەکارهێنەر  و وشەی نهێنی قوتابیان  و خوێندکاران و مامۆستایان کە تایبەتە بە قوتابخانەی ئەلیکترونی ewane. بۆ بینینی کۆدی بەکارهێنەر و وشەی نهێنی قوتابیان و مامۆستایان پێویستە سەردانی بەشی قوتابخانە لە سیستەمی e-Parwarda بکرێت و پاشان بچێتە ناو بەشی ڕاپۆرتی قوتابخانە ، پاشان هەردوو ڕاپۆرتی (ناو و کۆدی بەکارهێنەر و وشەی نهێنی مامۆستایان ) وە ڕاپۆرتی (ناو و کۆدی بەکارهێنەر و وشەی نهێنی قوتابیان) داونلۆد بکرێت.

4. کارگێری قوتابخانەکان بە هیچ شێوەیەک نابێت کۆدی بەکارهێنەر وشەی نهێنی قوتابیان و مامۆستایان کە تایبەتە بە قوتابخانەی ئەلیکترونی ewane لە تۆڕە کۆمەلایەتیەکان بڵاوبکەنەوە.

5. پێویستە ڕاهێنەرانی سیستەمی e-Parwarda  لە پەروەردە گشتییەکان و پەروەردەی قەزاکان بەدواداچوونی تەواو بکەن لەگەڵ قوتابخانەکانیان بۆ جێبەجێکردنی  هەموو گۆڕانکارییەکانی خاڵە ئاماژەپێکراوەکان.

زهیر محمد عبدالله
ی. ب.گ. پلاندانانی پەروەردەیی و سەرپەرشتیاری قوتابخانەی ئەلیکترۆنی
٢٠٢١/٤/٩

16324 جار خوێندراوەتەوە