وەزارەتی کۆچ و کۆچبەرانی عێراق، ڕایگەیاند؛ سەرجەم ئەو خێزانانەی داعش کە لە کەمپی هۆل گەڕاونەتەوە تا ئێستا هیچ سەرپێچییەک لە دژیان تۆمار نەکراوە.

هەوڵ:KNNC

کەریم نوری، بریکاری وەزارەتی کۆچ و کۆچبەرانی عێراق، لە دواین لێدوانیدا، باسی لەوەکرد، پڕۆگرامی شیانەوەی خێزانە گەڕاوەکانی داعش لە تا ئێستا سەرکەتو بوە و ڕێکارەکانیشی بە باشی جێبەجێکراوە و بە تایبەت کە چەندین لایەنی نێودەوڵەتی بەشداربون لە پڕۆگرامەکەدا.

بریکارەکە، ئاماژەی بەوەشکردوە، لە سەرجەم ئەو خێزانانەی گەڕاونەتەوە ناوچەکانی خۆیان هیچ سەرپێچییەک لە دژیان تۆمار نەکراوە، وتیشی: منداڵان و ئافرەتان و گەنجان هەر یەوەک بە جیا بەشداری پڕۆگرامەکە کراون و سەرجەمیان دەرئەنجامی باشیان هەبوە.

ئەمە لە کاتێکدایە، تا ئیستا 15 هەزار خێزانی عێراقی لە کەمپی هۆل گەڕاونەتەوە لەو ژمارەیەش 10 هەزاریان گەڕاونەتەوە ناوچەکانی خۆیان و پێنج هەزاریان هێشتا لە کەمپەکانی ناو عێراق دەمێنەوە.