ساڵح موسلیم دەڵێت کورد لە ڕۆژئاوا زیاتر لە 10 ساڵە هاوپەیمانی ئەمەریکایە و فەرمان لە هیچ کەس وەرناگرێت، هەر کارتێک کە لەگەڵ دیمەشق خەریکە دەگەنە ڕێککەوتن و ئاشتیی تورکیا تێکی دەدات.

هەواڵ:KNNC

ساڵح موسلیم ئەندامی دەستەی هاوسەرۆکایەتی پارتی یەکێتی دیموکرات-پەیەدە لەبارەی ڕووداوەکانی شێخ مەقسود و ئەشرەفییەی حەلەب ڕایگەیاند: ئەوانەی هێرش دەکەنە سەر کوردانی شێخ مەقسود و ئەشرەفییە سەر بە تورکیان و چەکداری ئەوانن، ئەوان تەنانەت قسە لە حکومەتی سوریاش وەرناگرن و لە ئەنقەرەوە ئاڕاستە دەکرێن.

لەبارەی هەوڵی پارچەکردنی سوریا سەرکردە کوردەکە وتی، کورد و هێزەکانی سوریای دیموکرات-هەسەدە لە ڕۆژئاوای کوردستان زیاتر لە 10 ساڵە هاوپەیمانی ئەمەریکان و پێکەوە شەڕی تیرۆریان کردوە، ئەوان فەرمان لە هیچ کەسێک وەرناگرن لە ناوەوە و دەرەوەی سوریا، ئەوانەشی دەڵێن کورد فەرمان لە قەندیل وەردەگرێت و دەیەوێت یەکپارچەیی سوریا تێکبدات، تەنها بۆ ئاڵۆزکردنی دۆخەکە وادەڵێن و تەواوی ئەو قسانە بێبنەمان.

ساڵح موسلیم ئاماژەی بەوەشدا، لەدوای ڕووخانی دەسەڵاتەوە هەر جارێک کورد و دیمەشق ویستویانە ڕێکبکەون تورکیا کێشەی دروستکردوە و هەموو شتێکی تێکداوە، ئەوان نایانەوێت سوریا سەقامگیر بێت و ئاشتیی لە وڵاتەکە بەرقەرار بێت...