وتەبێژی وەزارەتی دەرەوەی ڕوسیا ئەوروپا و ڕۆژئاوا بە هەوڵدان بۆ بەردەوامی شەڕ دەکات و ڕایدەگەیەنێت: پێچەوانەی قسەکانیان لەبارەی ئاشتیی ئەوان ئاگری شەڕ خۆشدەکەن.

هەواڵ:KNNC


ماریا زاخارۆڤا وتەبێژی وەزارەتی دەرەوەی ڕوسیا ڕایگەیاند: باش تێدەگەن لەوەی ئەوروپا و ڕۆژئاوا چیان دەوێت، دەزانن وڵاتانی ئەوروپا و ڕۆژئاوا خواستی بەردەوامی شەڕی ئۆکراینیان هەیە و نایانەوێت لەنێوان مۆسکۆ و کێیڤدا ئاشتیی بەدیبێت.

بە وتەی ماریا زاخارۆڤا، لە ساڵی 2022شدا کاتێک ئۆکراین و ڕوسیا نزیکبوون لە گەیشتن بە ڕێککەوتنی ڕاگرتنی شەڕ وڵاتانی ئەوروپا و ڕۆژئاوا و لیبراڵییە توندڕەوەکان تەواوی هەوڵەکانیان پوچەڵ کردوەتەوە.

وتەبێژەکەی وەزارەتی دەرەوەی ڕوسیا ئاماژەی بەوەشداوە، ئەروپا و ڕۆژئاوا پێچەوانەی ئەو قسانەی لەبارەی ئاشتیی و کۆتاییهاتن بە شەڕ دەیکەن، هەموو هەوڵێک دەدەن بۆ بەردەوامی گرژییەکان و ئاگری شەڕ خۆشدەکەن...