سەرۆکی ئۆکراین دەڵێت ڤیلادیمێر پۆتین قسە لەسەر شتانێک دەکات کە خاوەنی نییە و خاکیش بۆ فرۆشتن نییە، ئامادەییش بۆ بەشداری کۆبوونەوەی لوتکەی نێوان سەرۆکی ئەمەریکا و ڕوسیا دەردەبڕێت.

هەواڵ:KNNC

ڤۆڵۆدیمێر زێلنسکی سەرۆکی ئۆکرانیا ڕایگەیاند: پێویستیان بە 25 سیستمی بەرگریی پاتریۆت هەیە بۆ دۆخی ئێستا و هەنگاریاش شوێنێکی گونجاو نییە بۆ دانوستان لەبارەی شەڕ و ئاشتیی نێوان مۆسکۆ و کێیڤ.

ئاماژەی بەوەشدا، هیچ گۆڕانکارییەک لە هەڵوێستی ڕوسیادا بوونی نییە و دەیانەوێت ئێمە لە دۆنباس بکشێینەوە، ڤیلادیمێر پۆتین دەیەوێت دانوستان لەسەر شتگەلێک بکات کە خاوەنی نییە، ئێمەش سازش لەسەر خاکی ئۆکراین ناکەین و بۆ فرۆشن نییە.

سەرۆکی ئۆکرانیا کۆتاییهاتنی شەڕی لەگەڵ ڕوسیا بە کارێکی ئەستەم ناوبرد و وتی لەو بارەدا سەرۆکی ئەمەریکا دەیەوێت ئاشتیی ڕۆژهەڵاتی ناوەڕاست وەک فشار بەکاربهێنێت.

ڤۆڵۆدیمێر زێلنسکی وتیشی، دڵنیاییدان لە ئاساییش لەپێشینەی پرسی دانوستانە، ئامادەی بەشداریکردنی کۆبوونەوەی لوتکەی نێوان دۆناڵد ترەمپی سەرۆکی ئەمەریکا و ڤیلادیمێر پۆتینی سەرۆکی ڕوسیایە ئەگەر بانگهێشت بکرێت...