وەزیری خوێندنی باڵای هەرێم رایگەیان بۆ ئەمساڵ تەواوی دەرچوانیان وەرگرتوە و ئاماژەی بەوەشکرد، سیستەمی زانکۆلاین دادپەروەرانەیە و ستەم لە هیچ خوێندکارێک نەکراوە.

هەواڵ:KNNC

ئەمڕۆ سێشەممە، لە کۆنفرانسێکی ڕۆژنامەوانیدا، د کتۆر ئارام  قادر وەزیری خوێندنی باڵای هەرێم ئەنجامی زانکۆلاینی راگەیاند وتی؛ تەواوی دەرچوەکانیان وەرگرتوە و سەمیان لە هیچ خوێندکارێک نەکردوە.

دکتۆر ئارام ئاماژەی بەوەشکرد، ئەوان لەدەرەوەی پلانی خۆیان 15 هەزار خوێندکاریان وەرگرتوە و هیچ خوێندکارێک نامێنێتەوە کە وەرنەگیرێت، 

ژمارەی ئەو دەرچوانەش کە وەرگریراون لە زانکۆ و پەیمانگەکان، 51 هەزار و 725 خوێندکارن و لە ئەمرۆوە خوێندکاران دەتوانن پەڵپ بگرن لە ئەنجامەکانیان و یەک هەفتە مۆڵەتیان هەیە.

وەزیری خوێندنی باڵا لەباری نمرەی ئەمساڵیشەوە ئاشکرای کرد، ئاستی بەدەستهێنانی نمرە دابەزیوە، لە چاو ساڵی رابردودا بەتایبەت لە بەشی زانستی.

لەم لینکەوە ئەنجامەکان بزانە