بەوتەی شارەزایەکی کەشناسی، پێشبینی دەکرێت ئەمرۆ تاوەبارانی بەخوڕ و تەرزە سلێمانی بگرێتەوە.

پشتیوان پێنجوێنی شارەزای کەشناسی رایگەیاند: بەپێی پێشبینیەکان ئەمڕۆی ڕۆژی دووشەممە مەودای نیوەڕۆ بۆ ئێوارە لە شاری سلێمانی بە شێوازی پچڕ پچڕ باران دەبارێت.

باسی لەوەشکردووە: ئەگەرێکی بەهێزە تاوە بارانی بەخوڕ ببارێت لەگەڵ ڕوودانی هەورەگرمەو هەورەبروسکەی بەهێز، و تەرزەبارینیش دەبێت.

بەپێی پێشبینییەکان ناسەقامگیری کەشوهەوا تا رۆژی سێ شەممە بەردەوام دەبێت و لە کاتەکانی ئێوارەی ئەو رۆژەوە کەشوهەوا سەقامگیر دەبێتەوە.