نێچیرڤان بارزانی سەرۆکی هەرێمی کوردستان ، پەیامێکی پیرۆزبایی ئاراستەی هەڵبژاردەی نیشتمانیی عێراق کرد بەبۆنەی سەرکەوتنیان بۆ مۆندیالی 2026 و ڕایگەیاند، ئەم دەستکەوتە مێژووییە کە دوای 40 ساڵ چاوەڕوانی هاتەدی، مژدەیەکی خۆش و مایەی شانازییە بۆ هەموو عێراقییەکان

ئەمڕۆ چوارشەممە، 1ی 4ی 2026 ، هەڵبژاردەی عێراق لە یارییەکی یەکلاکەرەوەدا لە وڵاتی مەکسیک ڕووبەڕووی هەڵبژاردەی بۆلیڤیا بووەوە. عێراق توانی بە ئەنجامی دوو گۆڵ بەرامبەر بە گۆڵێک سەرکەوتن بەدەستبهێنێت و بەفەرمی پلیتی گەیشتن بە مۆندیالی 2026 مسۆگەر بکات

سەرۆکی هەرێمی کوردستان لە پەیامەکەیدا دەڵێت  "دەستخۆشی لە تەواوی ئەندامانی هەڵبژاردەکە دەکەم کە بە ماندووبوون و دڵسۆزیی خۆیان، خەونی گەیشتن بە مۆندیالیان کردە ڕاستی." هەروەها هیوای خواست ئەم سەرکەوتنە وەرزشییە ببێتە هەوێنی تەبایی و خۆشی بۆ سەرجەم پێکهاتەکانی عێراق.