سەرۆکی میت دەڵێت تورکیا ڕێگە بە دابەشبوونی سوریا نادات و هەر هەوڵێکی پەرتکردنی سوریا و بەزاندنی سەروەرییەکەی شکستدەهێنێت.

هەواڵ:KNNC

ئیبراهیم کاڵن سەرۆکی دەزگای هەواڵگریی تورکیا-میت لە 99 هەمین ساڵیادی دامەزراندنی دەزگاکەدا وتی کە هەواڵگریی تورکیا لەسەر بنەمای خۆپارێزیی دامەزراوە و لەسەر ئاستی نێودەوڵەتیی و ناوچەیی چەندین ئامانجی گرنگیان بەدەستهێناوە.

ئیبراهیم کاڵن لەبارەی سوریاوە وتی، سوریا هەموو کات بۆ تورکیا و ئاساییشی ئەنقەرە کاریگەری ڕاستەوخۆی هەیە و بۆ هاوسەنگی ڕۆژهەڵاتی ناوەڕاستیش دیمەشق گرنگە، هەروەها ڕووداوەکانی 8ی کانونی یەکەم12ی 2025 ڕووخانی دەسەڵاتی بەشار ئەسەد بناغەی گۆڕانکارییەکان بوون.

سەرۆکی هەوڵگریی تورکیا ئاماژەی بەوەدا ئێستاش تورکیا لەپاڵ سوریا دەوەستێت و بەهیچ جۆرێک ڕێگە بە دابەشبوونی سوریا نادەن و هەر هەوڵێکی ناوخۆیی و دەرەکیی بۆ دابەشکردنی سوریا و زیانگەیاندن بە یەکپارچییەکەی و لاوازکردنی یەکێتی سیاسی، یان پێشێلکردنی سەروەری وڵاتەکەی شکستخواردوو دەبێت...