ئەردۆغان پڕۆسەی چارەسەریی وەک کێشە ناودەبات و دەڵێت سڵ لە هیچ شتێک ناکەنەوە و تورکیا کۆتایی بە کێشەی 40 ساڵەی وڵاتەکە دەهێنێت، هەسەدەش وەک پارچەکەری سوریا ناوی دێت.

هەواڵ:KNNC

ڕەجەب تەیب ئەردۆغان سەرۆککۆماری تورکیا بەبۆنەی سەریساڵەوە قسەیکرد و باسیشی لە پڕۆسەی چارەسەریی کرد و وەک کێشە ناوی برد.

ئەردۆغان وتی، ئەو قۆناغە کە ئامانجی کۆتایی هێنانە بە کێشە و کارەساتێکی 40 ساڵە و بەقوربانی سیاسەتێکی کورتمەودای ڕۆژانەی ناکەن، کۆمیسیۆنی پەرلەمانیی کارەکانی خۆی تەواوکردوە و ئەوەش پڕۆسەکە خێرادەکات، هەروەها دەبێت هەمووان بە یەکدەنگی پرسەکە بگەیەننە ئەنجام، تورکیاش لەوپێناوەدا سڵ لە هیچ هۆکار و بەربەستێک ناکاتەوە تا تەواوی ئامانجەکانی بەدیدێت.

ئاماژەی بەوەشکرد، سەرکێشی و هەڕەشەکانی دژ بە بەرژەوەندییەکانی گەلی تورکیا و قوبرس ناهێڵن و چاودێری وردی دۆخی رۆژهەڵاتی ناوەڕاست دەکەن و دەبێت هەمووان بزانن هەرگیز لە ناوچە دەریاییەکانی تورکیادا ڕێگە بە تاوانکاریی و چەتەگەریی نادرێت.

لەلایەکی دیکەوە ئەمڕۆ تورکیا لەبارەی سوریاوە ڕایگەیاند: هێزەکانی سوریای دیموکرات نایانەوێت تێکەڵی سوپا ببن و سەرکێشی دەکەن، ئەوەش پارچەکردنی سوریایە، ئەنقەرەش بە هەموو هەوڵ و توانایەوە پاڵپشتی یەکپارچەیی خاکی سوریا و حکومەتی دیمەشق دەکات...