بارانبارین بەردەوام دەبێت و هۆشداریی لەبارەی کەشوهەواوە دەدرێت.

هەواڵ:KNNC

شەپۆلی بارانبارین بەردەوامە و بەپێی نوێترین پێشبینییە بڵاوکراوەکانی کەشناسیی عێراقیش، ئەم شەپۆلەی ئێستا لە ناوچەکەیە تا سبەینێ کاریگەریی لەسەر ناوچەکە دەمێنێت بە بڕ و ڕێژەی جیاواز.

لەوبارەیەوە کەشناس شاڵاو هیدایەت بە کەی ئێن ئێنی ڕاگەیاند: شەپۆلی ئەمجارەی بارانبارین تاوەکو ڕۆژی یە کشەممە بەردەوامە و کەشەکەش بەشێوەیەکی گشتیی زستانە دەبێت،

ئاماژەی بەوەشکرد، لەناوچە شاخاوییە سنوریی و بەرزەکان بەفر دەبارێت بۆ زۆربەی هەرە زۆری ناوچەکان ڕێژەیەکی باش باران ماوە و هەندێک ناوچەی زۆر کەمیش مامناوەند، هەموو ناوچەکان دەگرێتەوە بڕێکی باش و پێویستیتری لە باران و بەفر پێوەماوە.

بەپێی پێشبینییەکان لە ڕۆژی دوشەممەوە جاریکی دیکە شەپۆلێکی گۆڕانکاریی کەشوهەوا ڕوو لە ناوچەکە دەکات و  بە جێگیربوونی ئەگەری بارانباریین هەیە.

هاوکات کەشناسیی هۆشداریی داوە لەبارەی کەشوهەوای دووشەممە کە تەم دروست دەبێت و ئاستی بینین کەمدەبێتەوە، داواکراوە هاووڵاتییان بە ئاگاییەوە لێخوڕیی بکەن...