لە کۆبونەوەى ئەمڕۆى ئەنجومەنەکەدا باس لەبارەى چارەنوسى موچەى فەرمانبەرانى هەرێم کراوە و وتەبێژى حکومەتى هەرێمیش دەڵێت:  بڕیارە بەم نزیکانە لەلایەن دادگاى فیدراڵییەوە بڕیارى لەبارەوە بدرێت.

هەواڵ:KNNC


بەر لە دوو رۆژ و لەگەڵ کرانەوەى دەوامیی فەرمى لە عێراق؛ سەرۆک وەزیرانى هەرێم بە نامەیەک داواى لە دادگاى فیدراڵى کردوە بە زویی بڕیار لەبارەى چارەنوسى موچەخۆرانى هەرێمەوە بدات و سەرچاوەیەک لە حکومەتى هەرێمى کوردستانيش لەوبارەیەوە بە کەى ئێن ئێنى راگەیاند؛ مەسرور بارزانى، سەرۆکى حکومەتى هەرێمى کوردستان نامەیەکى لەڕێی فارس عیسا، نوێنەرى حکومەتى هەرێم لە بەغداد ناردوەتە دادگاى فیدراڵى و تێیدا داواى چارەسەرکردنى کێشەى موچەى کردوە.


لە نامەکەدا سەرۆکى حکومەت وتویەتى: ئێمە بە تەواوەتى پابەندى مەرجەکانى حکومەتى فیدراڵین و ئێوەش بە زویی لەبارەى چارەنوسى موچەى فەرمانبەرانى هەرێمەوە بڕیار بدەن.


لاى خۆیەوە وتەبێژى حکومەتى هەرێم رایگەیاند؛ بەم نزیکانە دادگای فیدراڵی کۆدەبێتەوە و بڕیار لەسەر موچەی فەرمانبەرانی هەرێم دەدات.



سلێمانى/ بڕیار نامیق