ئێران ساڵانە بڕێکی زۆر غاز و کارەبا بە عێراق دەفرۆشێت و ئەمەش دوو سوودی بۆ ئەوان هەیە:

سوودی ئابووری: داهاتێکی گەورەی مانگانە
سوودی سیاسی: مانەوەی عێراق بە پاشکۆ و بەستراوەیی بە وزەی ئێرانەوە

خاڵی سەرەکی
ئەگەر غازی چەمچەماڵ (کۆرمۆر) پەرەیی پێ بدرێت و بگاتە ناوچەکانی دیکەی عێراق دەبێتە بەدیلێکی هەرزانتر و ئامادە بۆ غازی ئێران. ئەمەش واتە کەمبوونەوەی دەسەڵاتی ئابووری و سیاسی دراوسێکان بەسەر عیراقدا “

ڕێگریکردن لە هەناردەکردن بۆ دەرەوە تورکیا و ئەوروپا

 جگە لە بازاڕی ناوخۆی عێراق، یەکێک لە پلانە ستراتیژییەکانی هەرێمی کوردستان (کۆمپانیە ئەمریکێکان کە وەبەر هێناندەکات لە غازی چەمچەماڵ) ئەوەیە غازی سروشتی هەرێم ببێتە بەشێک لە سەرچاوەی وزەی ئەوروپا، بەتایبەت دوای شەڕی ئۆکرانیا و ڕووسیا.
هێڵی وزەی نوێ: ئەگەر هەرێم غاز هەناردە بکات، دەبێتە یاریزانێکی گرنگی وزە لەسەر نەخشەی جیهان.
کەمکردنەوەی کاریگەری: وڵاتانی دراوسێ (بە دیاریکراوی ئێران و ڕووسیا) نایانەوێت هیچ سەرچاوەیەکی دیکەی وزە هەبێت کە ڕکابەری ئەوان بکات یان گرنگی ئەوان بۆ ڕۆژئاوا کەم بکاتەوە.

لاوازکردنی ژێرخانی ئابووری هەرێم
ئامانجێکی دیکەی ئەو گرووپانە بریتییە لەوەی هەرێمی کوردستان نەتوانێت سەربەخۆیی وزەی هەبێت.
بە لێدانی کۆرمۆر، بەرهەمهێنانی کارەبا لە هەرێم کەم دەبێتەوە.
وەبەرهێنەرە بیانییەکان (وەک کۆمپانیاکانی دانا غاز  کۆمپانیا ئەمریکایەکان) دەترسێن و کارەکانیان ڕادەگرن یان پاشەکشە دەکەن
 ئەمەش وا دەکات هەرێم هەمیشە لە قەیرانی داراییدا بمێنێتەوە و دەستەمۆی بەغدا و فشارە ئیقلیمییەکان بێت “

بەکارهێنانی دادگا و هێزی سەربازی پێکەوە
ئەم فشارانە تەنها بە مووشەک و درۆن نین بەڵکو تەواوکاری فشارە یاساییەکانیشە:
فشاری یاسایی: بڕیارەکانی دادگای فیدراڵی بۆ هەڵوەشاندنەوەی یاسای نەوت و غازی هەرێم
فشاری سەربازی: هێرشکردنە سەر کێڵگەکان هەر کاتێک هەرێم هەوڵی فراوانکردنی بەرهەمهێنان بدات.

مخابن، ئەو هێز و لایەنانە نایانەوێت هەرێمی کوردستان" ببێتە کلیلێک بۆ چارەسەری کێشەی وزەی عێراق یان جیهان. ستراتیژییەکە ڕوونە ڕێگە مەدە هەرێم ببێتە بەدیل با عیراق هەمیشە پێویستی بە ئێمە هەبێت