بە گشتی زۆرینەی لایەنە سیاسیەکان کۆکن لەگەڵ بڕیارەکانی دادگای باڵای فیدراڵی عێراق تەنها پارتی دیموکراتی کوردستان دژیەتی،  لێرەدا ئەوەی کە هەیە لایەنەکان لە ململانێ بەرانبەر پارتی زۆر خەمساردن.

بۆیە پێویستە یەکبگرن و هەڵوێستیان هەبێت هاوتەریب دژ بە هەوڵەکانی پارتی بوەستنەوە و جموجۆڵبکەن، پشتگیری لە بڕیارەکانی دادگای باڵای فیدڕالی بکەن کە دادگایەکی دەستوریە و بڕیارەکانی ئیلزامین و تانەیان لێنادرێ کە زۆرینەی خواستەکانی خەڵک و لایەنەسیاسیەکانی دەستەبەرکردوە.

ئەوەی دادگای فیدراڵی کردویەتی بەدەیان ساڵ خۆپیشاندانی خەڵک و سەدان دانوستانی سیاسی حزبەکان لەگەڵ پارتی بەدەستنەهاتون.

 بۆنمونە
یەکەم: دادگای باڵای فیدرالی موچە و قوتی خەڵکی لەدەستی پارتی هێنایە دەرەوە.

دوەم: یاسای هەڵبژاردنی پەڕلەمانی کوردستانی بەشێوەیەک ڕێکخستەوە کە مانا و ئەرزش بگەڕێتەوە بۆ هەڵبژاردن چ لە نەهێشتنی گاڵتەجاڕی کۆتاکان و دابەشکردنی بازنەکانی هەڵبژاردن و دیاریکردنی سیستەمی دەنگدان و هەروەها دیاریکردنی دەسەڵاتی سەیرکردنی تانەکانی هەڵبژاردن.


بۆیە ئەمانە بابەتی گرنگ و جەوهەرین لەبەرژەوەندی خەڵک و پڕۆسەی سیاسی و دیموکراسین ئێستا کە پارتی دەڵێت تێبینیمان هەیە دەبێ چارەسەر بکرێن واتا خاڵیبونەوەی ئەم خاڵانەی سەرەوە و گەڕانەوە بۆئەو مەهزەلەی پێشو.


بابەتەکان چارەنوسازن بۆیە کە دەرفەتێکی وا زێڕین هەڵکەوتوە پێویسته لایەنە سیاسیەکان ئەگەر خەمی خەڵک و پڕۆسەی سیاسی و دیموکراسیانە بەرانبەر پارتی یەکدەنگ و یەک هەڵویستبن و بەهیچ شێوەیەک و لەژێر هیچ تەفسیر و پاسا و ڕێککەوتنێک بەکەمتر لەجێبەجێ کردنی بڕیارەکانی دادگای باڵای فیدرالی ڕازی نەبن.


سیاسەت واتا هەڵوێست.