لە تاکە نەخۆشخانەی فریاکەوتنی سلێمانی؟! کە ئەویش نەخۆشخانەی شارە، ئایا دەکرێت؟

١- دەرمان دەستنەکەوێت و زۆرینەی چارەسەرە پێویستەکان، دەبێت نەخۆش لە دەرەوە بیکڕێت؟

٢- فەحسی خوێن زۆرینەی نەماوە نەک لەتاقیگاکانی نەخۆشخانەی شار دەستناکەوێت، بەڵکو هەندێک فەحسی هەیە لە ئیستشارییەکەی نەخۆشخانەش دەستناکەوێت؟ بەڵکو دەبێت لە لە تاقیگەی دەرەوە بکرێت؟!

٣- خۆبەخش وازی هێناوە و مانی گرتوە، کە مافی خۆیانە دابمەزرێن و بەداخەوە چەندین ساڵە بێ مووچە بەدڵسۆزی کاردەکەن.

٤- دیارە سەیر نیە کەموکورتی لە پەرستار و کارمەندی تەندرووستیدا هەبێت، چونکە پتر لە پێنج ساڵە کارمەندان لەکەرتی تەندرووستیدا، جگە لەکەرتەکانیتریش، خانەنشین دەکرێت و کەس لەجێی ئەوان دانەمەزراوە؟!

ئەمەش بۆتە هۆی ئەوەی لۆد لەسەر پەرستار و کارمەندانی دامەزراوو زیاد بێت و نەتوانن بەو جۆرەی دەیانەوێت خزمەتی هاووڵاتیان بکەن؟

٥- لەبەر کەمی پەرستار و کارمەند بۆتە هۆی داخستنی هەندێک قاوش؟! 

- لەهەموو ئەم کەموکورتیانە کێ بەرپرسە؟

بەداخەوە زۆرینەی هاووڵاتی وادەزانیت پزیشک و کارمەند بەرپرسی ئەم قەیرانانەن و توڕەیی خۆی بەسەر ئێمەدا خاڵی دەکەنەوە و لەئێمە توڕە دەبن، لەکاتێکدا هیچ دەسەڵاتی ئێمەی تیا نیە و ئێمە تەنیا کارمەندی ئەم حکومەتەین؟؟!.
هەر ئەوەندە دەڵێم ئەمە کارەساتە.

- گەر وەک پزیشک دەستکراوە نەبین لە نوسینی دەرمان و فەحسی پێویست لەناو نەخۆشخانەکەدا؟ چۆن دەتوانیین تەشخیسی باش و چارەسەری تەواو بکەین؟ دیارە مجبور دەبین داوا لەکەسوکاری نەخۆش بکەین، بڕوات فەحس لە کەرتی تایبەت بکات و دەرمان لەدەرەوە بهێنێت؟!

- گەر نەتوانیین کارمەندی پێویست بۆ ژمارەی زۆری نەخۆش دابین بکەین؟ چۆن دەتوانیین خزمەتگوزاری باش پێشکەش بکەین؟

- ئیتر ووڵات چۆن وا دەڕوات بەڕێوە؟ گەر یەکێک لەگرنگترین کەرتەکان کە کەرتی تەندرووستیە و پەیوەندی  ڕاستەوخۆی بە ژیانی هاووڵاتیانەوە هەیە، خەریکە پەکی دەکەوێت؟!

نەخۆشخانەی فریاکەوتن وا بەڕێوە ناڕوات؟!