ئیدارەی خۆبەڕێوەبەری ڕایدەگەیەنێت پێشوازی لە کۆنفرانسی یەکڕیزی و یەکگرتویی کورد دەکەن لە ڕۆژئاوای کوردستان و دەشڵێن؛ ئیرادەی گەورەی  کورد لە سوریا بەرزدەنرخێنین

هەواڵ:KNNC

 

ئیدارەی خۆبەڕێوەبەری باکور و ڕۆژهەڵاتی سوریا بە بۆنەی کۆتایی هاتنی کارەکانی کۆنفرانسی یەکڕیزی کورد بەیاننامەیەکی بڵاوکردەوە و ڕایگەیاند، کۆنفراسی یەکڕیزی هەڵوێستى کورد هەنگاوێکی گرنگ بو و پشتیوانی دەکەین.

لەبەیاننامەکەدا ئاماژەیان بەوەشکردوە؛ بونی ڕۆڵی  ئەمەریکا،  فەرەنسا و حکومەتی هەرێمی کوردستان  بە گرنگ وەسف کردوە و ئاماژەیان بەوە کردوە، ئەوان بەشێک بون لە سەرکەوتنی کۆنفراسەکە.

وتوشیانە؛ یەکگرتنی کورد لە سوریا هەنگاوێکە بەرەو سوریایەکى دیموکراسی و نکوڵی نەکرێت لە مافی هیچ نەتەوەیەک نەکرێت.

لە کۆتاییدا ئاماژەی بۆ ئەوەکردوە، چاوەڕوانین مافی هەمو پێکهاتەکان لە دەستوری نوێدا جێبکرێتەوە و سەردەمێکی نوێ لە سوریا بێتە پێشەوە کە خواستی هەمو سورییەکان بەدیبهێنێت.

ئەم بەیاننامەیە، چەند خولەکێک  لەدوای بەیاننامەکەی سەرۆکایەتی سوریا هات؛ کە تێیدا ڕەخنەی لە کۆنفڕانسەکەی دوێنێی لایەنە کوردەکان گرتوە و بە دژایەتیکردنی رێککوتنەکەی نێوان ئەحمەد شەرع و مەزوڵم عەبدیان داناوە.