بەشێوەیەکى چاوەڕواننەکراو نرخى نەوت دابەزى

KNN : Kurdish News Network
04:26 - 26/11/2021
ئابوری

لە ئێستادا نرخى نەوت لە بازاڕەکانى جیهاندا بە (77) دۆلار مامەڵەى پێوە دەکرێت و بەشێوەیەکى خێرا نرخەکەى دادەبەزێت.

بەیانى ئەمڕۆ هەینى، نرخی یەک بەرمیل نەوتی خاوی برێنت لە بازاڕەکانی جیهاندا بە (80) دۆلار و (27) سەنت مامەڵەی پێوەکراوە، بەڵام نرخەکەى بەشێوەیەکى بەرچاو روى لە دابەزین کرد و لە ئێستادا بە (77) دۆلار و (70) سەنت مامەڵەى پێوە دەکرێت.

هاوکات، لە بەیانیدا بەرمیلێک نەوتی خاوی ئەمەریکی (تەکساس) بە (76) دۆلار و (4) سەنت مامەڵەی پێوەکراوە، بەڵام لە ئیستادا بە (73) دۆلار و (88) سەنت مامەڵەى پێوە دەکرێت.

ماوەى دو مانگە نرخى نەوت بەشێوەیەکى بەرز جێگیرە و ئەم نرخەى ئێستاش نزمترین نرخە بەراورد بە دوو مانگى رابردوو.

ئەوەش لە کاتێکدایە، ساڵى رابردو لەمڕۆدا نرخی یەک بەرمیل نەوتی خاوی برێنت لە بازاڕەکانی جیهاندا بە (48) دۆلار و (78) سەنت مامەڵەی پێوەکرا و نرخی بەرمیلێک نەوتی خاوی ئەمەریکیش (تەکساس) بە (45) دۆلار و (92) سەنت فرۆشراوە.


1381 جار خوێندراوەتەوە