نوێنه‌ری هه‌میشه‌یی عێراق له‌رێكخراوی یونیسكۆ دوو پێشنیازی بۆ رێكخراوه‌كه‌ كردوه‌ كه‌ یه‌كێكیان ڕیزبه‌ندكردنی یادی له‌دایكبونی یه‌پامبه‌ری ئیسلامه‌ له‌نێو لیستی كه‌له‌پور.

هەواڵ:KNNC

ئه‌سعه‌د توركی سواری له‌لێدوانێكی رۆژنامه‌وانیدا رایگه‌یاند: پێشنیازیكردوه‌ كه‌ جگه‌ له‌رۆژو یادی له‌دایك بونی محه‌مه‌د په‌یامبه‌ری ئیسلام، دۆسێی قورئانیش له‌نێو لیستی كه‌له‌پوری جیهانی ڕیزبه‌ند بكرێن .

به‌وته‌ی سواری هه‌ردو پێشنیازه‌كه‌ی پیشكه‌ش به‌كۆمه‌ڵه‌ی باڵیۆزانی ده‌وڵه‌تانی ئیسلامی له‌رێكخراوی یونیسكۆ كه‌ باره‌گاكه‌ی له‌پاریسه‌ كردوه‌.

ئاماژه‌ی به‌وه‌شكرد كه‌ پێشنیازی دووه‌م بۆ ئه‌وه‌یه‌ هه‌ندێك له‌حكومه‌تانی جیهان رێگری بكه‌ن له‌وه‌ی كه‌سانی توندره‌و قورئان بدڕن یاخود بیسوتێنن كه‌ ئه‌وه‌ش بۆخۆی دژایه‌تیكردنی ئاشكرای مسوڵمانانه‌.