بنیامین ناتانیاهۆ دەڵێت: حەمماس پێشێلی ئاگربەست دەکات و ئیسرائیلیش وەڵامی خۆی داوەتەوە و پێویستیان بە ڕەزامەندی هیچ کەسێکیش نییە بۆ بەرگرییکردن لە خۆیان.

هەواڵ:KNNC

بنیامین ناتانیاهو سەرۆکوەزیرانی ئیسرائیل لە نوێترین لێدوانیدا لەبارەی شکاندنی ئاگربەست و بەردەوامیی شەڕ لەگەڵ بزوتنەوەی حەمماس ڕایگەیاند: حەمماس پێشێلی ئاگربەست دەکات و هەوڵدەدەن بچنە سنوری دیاریکراو و هێڵی زەرد ببەزێنن، ئەوان دەیانەوێت و بەردوامیی بە شەڕ  بدەن، ئێمەش بە توندترین شێوە وەڵاممان داونەتەوە و لێمان کوشتون و لێمان دەستگیرکردوون.

ئاماژەی بەوەشکرد ئەو سەرۆکوەزیرانی ئیسرائیل ئەرکی پاراستنی ئیسرائیل و خەڵکەکەی لە ئەستۆیە و بەتەواوەتی بەپرسیارییەتی پارێزگاریی لە ئیسرائیل لە ئەستۆدەگرێت.

وتیشی، حزبوڵڵای لوبنان ناوەناوە چالاکیی دەکات، بەڵام ئیسرائیل ڕێگە نادات کە حزبوڵڵا جارێکی دیکە بەهێزببێتەوە و بەم نزیکانە ئۆپەراسیۆنی کاریگەرتر لەو پرسەدا ئەنجامدەدەن.

بنیامین ناتانیاهو جەختی لە سەربەخۆیی لە بڕیاردانی کردەوە و وتی، ئیسرائیل پێویستی بە ڕەزامەندی هیچ کەس و لایەنێک نییە بۆ بەرگرییکردن لە خۆی، بەبێ ئەوەی چاوەڕێی هیچ کەسبن بریاری خۆیان دەدەن لەپێناو ئیسرائیل.