گەڕی سێیەمی دانوستانە ناڕاستەوخۆکانی نێوان واشنتۆن و تاران لە شاری مەسقەتی پایتەختی عومان کۆتاییهات.

هەواڵ: (KNNC)

ئەمڕۆ شەممە، میدیای فەرمی ئێران بڵاویكردەوە، كەمێك پێش ئێستا گەڕی سێیەمی دانوستانە ناڕاستەوخۆکانی نێوان واشنتۆن و تاران بە ئامادەبونی عەباس عراقچی، وەزیری دەرەوەی ئێران و ستیڤ ویتکۆف، نوێنەری كۆشكی سپی بۆ  رۆژهەڵاتی ناوەڕاست بەنێوەندگیری وەزیری دەرەوەی عومان، لە مەسقەت کۆتاییهات.


لای خۆیەوە، بەدر بوسەعیدی، وەزیری دەرەوەی عومان رایگەیاند: دانوستانەکانی نێوان ئێران -ئەمەریکا هەفتەی داهاتو بەردەوام دەبێت، هەروەها بڕیار وایە كە کۆبونەوەیەکی دیکەی ئاستی باڵادا ئەنجام بدرێت.


وەزیری دەرەوەی عومان ئاماژەی بۆ ئەوەكردوە، لە دانوستان و گفتوگۆكانی ئەمڕۆدا، ئامانجەکان و نیگەرانییە تەکنیکییەکان لە نێوان هەردو وڵاتدا باسیان لێوەكراوە.