هاوردەکردنی زێڕ و مۆبایل لە ڕێگەی هەریمی کوردستانەوە قدەغەکرا و هۆکارەکەشی بۆ نەبوونی کۆنترۆڵ دەگەڕێندرێتەوە.

هەواڵ:KNNC

دەسەڵاتی فڕۆکەوانیی عێراق بڕیارێکی نوێی دەرکردوە کە تێیدا ڕێگری لە گواستنەوەی چەند کاڵایەکی دیاریکراو دەکات لەڕێگەی فڕۆکەخانەکانی هەولێر و سلێمانییەوە.

بەپێی نوسراوە فەرمییەکە، لەمەودوا ڕێگە نادرێت زێڕ، مۆبایل و ئامێرە ئەلیکترۆنییەکان لە ڕێگەی ئەو دوو فڕۆکەخانەیەوە هاوردە بکرێن یان بگوازرێنەوە.

لەبارەی هۆکاری بڕیارەکە ئاماژە بەوەکراوە، نەبوونی بنکەی پشکنین و کۆنترۆڵی جۆریی سەر بە حکومەتی بەغدا لە فڕۆکەخانەکانی هەولێر و سلێمانی، کە بەرپرسن لە پشکنینی زێڕ و لێدانی مۆری فەرمی (قۆغە)، چونکە ئەو مۆبایل و ئامێرە تەکنەلۆژیانەی لەوێوە هاوردە دەکرێن، مۆڵەتی فەرمی دەستەی ڕاگەیاندن و گەیاندنی عێراقیان نییە، ئەمەش بە نایاسایی لە قەڵەم دراوە...