ئەمڕۆ بە چاودێری ئەمەریکا هەردو شاندی هەرێم و بەغداد کۆدەبنەوە
هەواڵ: KNNC
کاتژمێر یەکی پاشنیوەڕۆی ئەمڕۆ لە بارەگای ئەنجومەنی وەزیران، بە چاودێری باڵیۆزخانەی ئەمەریکا لە عێراق، هەردو وەفدی دانوستانی هەرێم و بەغداد لەگەڵ کۆمیتە راسپێردراوەکەی ئەنجومەنی وەزیرانی عێراق کۆدەبنەوە.
سەرچاوەیەک لەکۆمیتە راسپێردراوەکەی ئەنجومەنی وەزیرانی عێراق بە دیجیتاڵ میدیای کەی ئێن ئێن-ی راگەیاند؛ ئەمڕۆ خاڵە هاوبەش و ناکۆکەکان تاوتوێ دەکرێت و دەمانەوێت لەماوەی ئەم 24 کاتژمێرە تا سبەینێ بگەینە لێکتێگەیشتنێکی هاوبەش و دواتریش رێککەوتنەکە دەبەینە ئەنجومەنی وەزیران و کۆبونەوەی نائاسایی بۆ ئەنجامدەدەین و دەنگی لەسەر دەدەین.
سەرچاوەکە دەڵێت: زۆری خاڵە ناکۆکەکان لەسەر دۆسیەی نەوتە و هەوڵی زۆر دەدرێت بە هەمو لایەک بگەینە رێککەوتن.
سلێمانی - بڕیار نامیق
731 جار خوێندراوەتەوە