خالێن رەش د دیرۆکا حکومڕانیا پارتی و ئێکەتیێ دا


دیرۆکا حکومڕانیا پارتی و ئێکەتیێ تژیە ژ خالێن رەش و شەرمەزار دەما کو تاکێ کورد لێ تەماشە دکت هەست ب بێ هیڤی و نارحەتیێ دکت و خوها شەرمێ رویێن وی دگرت.

پار ساڵ وەک ئەڤرۆ ل ئێڤاریا ٢٩/ ١٠/ ٢١٧ دەما پەسەندکرنا یاسایا دابەشکرنا دەسەڵاتێن سەرۆکایەتیا هەرێمێ ب سەر سەرۆک وەزیران و سەرۆکایەتیا پەرلەمانی و ئەنجومەنێ دادوەری، ب پلان و بەرنامەو ئامادەیەکا پێشوەخت ب مەرەما کێم کرن ژ روڵ و کاریگەریا وێ یاسایێ ئەندام و لایەنگرێن پارتی دیموکراتی کوردستان دئێک دەمدا ل هەولێرا پایتەخت هێرشی سەر پەرلەمانی و پەرلەمانتارێن هێزو لایەنێن دەرڤەی پارتی کرن، ل زۆنا زەر ئانکو ل دەڤەرێن ژێر دەسەڵاتا پارتی بارەگایێن بزاڤا گۆران و ئێکەتی نیشتیمانی کەفتنە بەر هێرش و پەلامارێن ئەندام و لایەنگرێن پارتی و ل باژێرێ زاخۆ بارەگایێ بزاڤا گۆران هاتە تالانکرن و سۆتن.

ب وی کارێ نەشارستانی و ترسنۆکانە دەسەڵاتا دەڤەرێ هندێ دی رویێن خوە رەشکرن و ناڤ و ناڤ دەنگیا هەرێمێ لەکەدار کر.

سالەک دەرباز دبت لسەر وان بۆیەران لێ تا نووکە نەکەسەک هاتیە دەستەسەرکرن و محاسبەکرن نەژی بارەگایێن بزاڤا گۆران هاتینە قەرەبوو کرن.

181 جار خوێندراوەتەوە