ئه‌وه‌ی ده‌بێت نیگه‌رانمان بكات


به‌ لاوازبوون‌و پاشه‌كشه‌كردنى ئه‌و هێزه‌ى كه‌ نۆ ساڵه‌ دژ به‌ گه‌نده‌ڵى‌و نادادی ده‌سه‌ڵاتى كوردى وه‌ستاوه‌ته‌وه‌، هیواى گۆڕانكارى‌و چاكسازى تا ئاستێكى زۆر لاواز ده‌بێت‌و به‌ لاوازبوونى بزوتنه‌وه‌ى گۆڕان، هه‌ردوو هێزى ده‌سه‌ڵاتدار ده‌ستكراوه‌تر ده‌بن بۆ ئه‌نجامدانى گه‌نده‌ڵى‌و قۆرخكردنى زیاترى سمان‌و داهاتى كوردستان.
   
لە ماوه‌ی (٩) ساڵی رابڕدوودا، بزوتنەوەی گۆڕان کاری گەورەی کردووە بۆ سەرخستنی پرەنسیبە یاسایی‌و دیموکراسیەکان، لە پێناو ئەمەشدا باجی زۆری داوه‌ و نارەحتی زۆری چەشتووە، گۆڕان هێزێکی نیشتیمانییە، هێزێک نییە کە وڵاتە ئیقلیمی و نێودەوڵەتیەکان کارو بەرنامەی بۆ دانێن‌و ئەڵقە لە گوێیان بێت، بۆیەشە بەردەوام کەوتۆتە بەر هێرشی هێزی ناوخۆی و دەرەکی، گۆران هەر لە سەرەتای دروست بوونیەوە ئەوەی گوزارشتلێكردووه‌و سەلماندووە کە هێزێکی نیشتیمانییە‌و نابێتە دەست کەلای هیچ  وڵاتێک‌و لایەنێک ، کە ئەمە شایەنی رێزو پیا هەڵدان‌و ستایشێكى زۆرە.

بزوتنەوەی گۆڕان لەسەر دەستی شۆرشگێرێکی گەورەو نیشتیمانپەرەوەر دروست بووە، مرۆڤێک بەرنامەو ئەجێدانی کاری بۆ داناوە کە هەر لە تەمەنی لاویەتیەوە خەباتی گەورەی کردوە لە پێناو سەربەخۆی و دروست بوونی کیانێکی کوردیی گەوەرە کە هەموو تاکەکانی  کۆمەڵگا لێی سودمەند بن و کەرەمەت و شەرەفیان لە ژێریدا پارێزراو بێت ، نەوشیروان مستەفا هەموو ژیانی خۆی لە پێناو خۆشگوزەرانی و باشکردنی خەڵکی بەشخورای وڵاتەکەمان بەسەر برد ،بەڵام ئایا خەڵکی بەشەرەفی کوردستان پشت دەکەنە ئەو رێبازەی کە تەنها لە پێناو باش کردنی ژیانی ئەوان دروست بووە و خەباتی کردوە ؟!

رەخنەکان هەرچیەک بن ناکرێت سزای رێباز و رۆحی کەڵە پیاوێکی شۆرشگێر بدرێت ، رەخنەگرتن نەریتێک بوو کە بزوتنەوەی گۆران خۆی دایهێنا و ئێستاش هەر خۆی قبوڵی ئەو رەخنانە دەکات و پێویستیشە بەزوترین کات بزوتنەوەکە بێتەوە مەیدان و دڵی جەماورە زویرەکەی ئاشت بکاتەوە ، کە من دڵنیام گۆران ئەم هانگاوە دەگرێتە بەر ، هەروەها لەسەر  دەنگدەر پێویستە هەر رەخنە و کەم و کوریەکان نەبینێت ، وا باشە چاوەکان باشیەکان و لایەنە پۆزەتیەڤەکانیش ببینیت ، چونکە ئەگەر بە ویژدانەوە رەخنە و باشیەکانی ئەم بزوتنەوەیە لە ئاستی یەک دانێین ، بێگومان باشیەکانی ئەم بزوتنەوەیە زۆر زیاترن لە رەخنە و کەم و کوریەکان.

بزوتنەوەی گۆران، یەكەمین ئۆپۆزسیۆنی سیاسی كورد بووە  و دەسەڵاتی کوردی لە ماوەی ٢٧ ساڵی رابردودا تەنها هێز کە حیسابیان بۆ کردوە بزوتنەوەی گۆران بووە ، هەر ئەم بزوتنەوەی گۆرانەش بوو کۆتای هێنا بە حوکمی فیفتی بە فیفتی پارتی و یەکێتی و ، تا ئاستێکی باش توانیویەتی دەسەڵاتی بنەماڵە و دیوەخان بگۆرێت بە دەسەڵاتی و موئەسەسەیی و فەرمی ، هەروەها توانی کورسیەکانی ئەم دوو هێزە لە نیوە بە نیوە بگۆرێت و رێژەیەکی زۆری کورسیان لێ بەرێت کە ئەم کارە لە پێشبینی  خۆشیاندا نەبوو .
 

لاوازبوونی گۆڕان لەبەر ئەم چەند هۆکارانە بۆ هەموومان خراپە :

- بە لاوازبوونی گۆران تۆیی بێ هیوایی زیاتر لای گەنجان چەکەرە دەکات  ، تا ئەم ساتەش تاکە هیوا و ئومێدی گەنجان بە تایبەتی و هەموو چین و توێژەکان بزوتنەوەی گۆرانە ، چونکە تا ئێستا هیچ هێزێک نیە بەدیلی بەرنامە و پلانی بزوتنەوەکە بێت و توانیبێتی بزوتنەکە تێبپەرێنیت ، هەندێک هێز دەیانەوێت ئەوە بکەن ، بەڵام ناتوانن و توانی ئەوەیان نیە و زوو سحرەکایان کەشف دەبێت ، نەمانی هیوای گەنجان مەترسیێکی گەوەرەیە بۆسەر داهاتووی ئەم گەلە چونکە ئەگەر گەنج هیوای نەمێنیت دەروات سەری خۆی هەڵدەگرێت و ماڵ ئاوای لەم خاکە دەکات و ساحەکە بۆ ئەم سیاسیانە زیاتر چۆڵ دەکات  ،کە ئەمە کارەساتە .   

-دەنگی نارەزایی شەقام زیاتر کپ دەبێت ، لەسەرەتای دروست بوونی گۆرانەوە شەقامی کوردی دەستی بە جموجۆڵ و دەربرینی دەنگی (نا ) کرد ، چونکە زادای بزوتنەوەکە هەر شەقام بووە ، هەر لە بەر ئەوەش بووە دەنگی شەقام لای گۆران زۆر گرنگ بووە و هەمیشەش لە پشت دەنگی بووە.   

- بەردەوام بوونی زوڵم و ستەم ، هەروەک چۆن لە ماوی ٢٧ ساڵدا دەسەڵاتی کوردی بە هەموو ئامرازەکان ویستویەتی هاوڵاتیان بچەوسێنێتە ، برسیان بکات و بینگرێت و نانیان ببرێت ، ئەم نەریتە بەردەوام دەبێت و شکۆ و کەرامەتی تاکی کوردیی زیاتر دەکەوێتە مەترسیەوە.  

- بەردەوام بوونی گەندەڵی و لە دەست دانی خاکی زیاتر ، مێژووی هێزە سیاسیەکانی کوردستان بە تایبەت هێزەکانی دەسەڵات پرە لە شکت و گەندەڵی و بەهەدەردانی سامانی وڵات ، هەروەها مێژوویان پرە لە خیانەتکردن لە یەکتری لە پێناو بەرژەوەندی تایبەتی خۆیان ، فرۆشتنی خاک و پیرۆزیەکانی ئەم گەلە لای ئەوان بۆتە ئاو خواردنەوە و بۆ هەمیشەش لەسەری بەردەوام دەبن .

1198 جار خوێندراوەتەوە