به‌ 17 خاڵ چۆنیه‌تی كوژرانی خاشقچی ئاشكرا ده‌كرێت

08:02 - 15/11/2018
جیهان

جەمال خاشوقچی چۆن كوژرا؟
داواكاری گشتی سعودیە: ئەوانەی راستەوخۆ لە كوشتنەكە بەشداربوون پێنج كەسن

داواكاری گشتی سعودیە: تەرمی خاشوقچی پارچە پارچەكراوەو گوازراوەتەوە بۆ دەرەوەی باڵەخانەی كونسوڵخانە

داواكاری گشتی سعودیە لە كۆنگرەیەكی رۆژنامەنوسیدا، ئەنجامی لێكۆڵینەوەكانی ئاشكرا كرد‌و بەگوێرەی ئەنجامەكەش، جێگری فەرماندەی پێشوی هەواڵگری سعودیە فەرمانی داوە خاشوقچی بەزۆر ناچار بكرێت بگەڕێتەوە بۆ سعودیە‌و دوای ئەوەی ئەو داوایە لەلایەن رۆژنامەنوسەكەوە رەتدەكرێتەوە، دەرزێكی بێهۆشكردنی لێدراوەو بەوهۆیەوە گیانی سپاردوە. دواتر تەرمەكەی بە پارچە پارچەكراوی گواستراوەتەوە بۆ دەرەوەی باڵەخانەی سعودیە لە ئیستانبوڵ.

1-روداوەكە رۆژی 9ی ئەیلول دەستی پێكرد كاتێك فەرمانی گەڕاندنەوەی تاوانلێكراو دەرچوو، وە ئەگەر رازی نەبوو بگەڕێتەوە بۆ سعودیە بەزۆر بگەڕێندرێتەوە جێگری پێشووی سەرۆكی دەزگای هەواڵگری ئەو بڕیارەی دەركرد.
2-فەرماندەی پرۆسەكە تیمێكی 15 كەسی پێكهێنا.
3-جێگری پێشووی سەرۆكی دەزگای هەواڵگری كەوتە گفتوگۆ لەگەڵ راوێژكاری پێشوو دەربارەی ئەو كەسەی سەرۆكایەتی تیمی دانوستان دەكات لەگەڵ خاشقچی.
4-راوێژكاری پێشوو لەگەڵ فەرماندەی دیاریكراو بۆ جێبەجێكردنی ئەو ئەركە كۆبۆوە بەمەبەستی پێدانی زانیاری دەربارەی پرۆسەكە، و گەڕاندنەوەی رۆژنامەنوسەكە بۆ سعودیە بەهەنگاوێكی گرنگ وەسف كرا.
5- فەرماندەی پرۆسەكە لەگفتوگۆدابوو لەگەڵ پسپۆران بۆ ئەوەی كە ئەگەر بەزۆر گەڕاندیانەوە هیچ نیشانەیەك جێنەهێلن.
6-فەرماندەی پرۆسەكە لەگەڵ هاوكارێك لەناو توركیا لەگفتوگۆدابوو بۆ ئەوەی شوێنێك ئامادەبكەن لەكاتی گەڕاندنەوەی بەزۆر.
7-سەرۆكی تیمی دانوستانكار دوای زانینی دۆخی ناو كونوسڵخانە، بڕیاریدا بە كوشتنی دوای ئەوەی گفتوگۆی گەڕاندنەوەی شكستی هێنا.
8- گەیشتینە ئەو بڕوایەی كە دوای شەڕ و ئاڵۆزی دەرزیەكی بەهێزی مادەی هۆشبەریان لێدا بەهۆیەوە گیانی لەدەستدا.
9-گەیشتنە ئەو بڕوایەی كە ئەوانەی راستەوخۆ لەكوشتنەكە بەشداربوون پێنج كەسن.
10- دوای كوشتنی تەرمی تاوانلێكراو پاش پارچەپارچەكردنی گوازراوەتەوە بۆ دەرەوەی باڵەخانەی كونسوڵخانە.
11- ئەوانەی تەرمەكەیان لەكونسوڵخانە هێنایە دەرەوە پێنج كەس بوون.
12-گەیشتینە ئەو بڕوایەی ئەوكەسەی تەرمەكەی رادەستی هاوكارەكەی توركیا كردووە یەك كەس بووە.
13-گەیشتنیە وێنەی ئەو هاوكارەی، كە تەرمەكەی گواستۆتەوە، ئەوەش لەرێگەی پێدانی نیشانەكانی.
14-گەیشتنە ئەو كەسەی كە جل و بەرگی تاوانلێكراوی لەبەركردووە و كاتژمێرەكەی لە دەستكردووە و چاویلكەكەی لەچاوكردووە و دوو كەسیش یاوەریان كردووە بۆ چوونەدەرەوە لە كونسوڵخانە.
15-گەیشتنیە ئەو بڕوایەی كە كامێرای ناو كونسوڵخانە پەكخراون ئەوەی ئەو كارەشی كردووە یەك كەس بووە.
16- ئەوەی هاوكاری فەرماندەی ئەو پرۆسەی كردووە چوار كەسن.
17- گەیشتینە ئەو بڕوایەی كە فەرماندەی پرۆسەكە رێككەوتنی كردووە لەگەڵ گروپی راوێژكاری و ئەوانەی بڕیاری كوشتنەكەیان داوە و ئەوانەی جێبەجێیان كردووە بۆ پێشكەشكردنی راپۆرتی درۆ بە جێگری پێشووی سەرۆكی دەزگای هەواڵگری گشتی.

3413 جار خوێندراوەتەوە