چالاكییه‌كانی 234 ساڵه‌ی بونیاتنانی شاری سلێمانی

05:28 - 14/11/2018
گەلەری

ئەمڕۆ چالاكیەكانی مەراسیمی 234 ساڵەی دامەزراندنی سلێمانی دەستپێدەكات و ماوەی 3 رۆژ دەخایەنێت بۆ یەكەمجاریش یادەكە لەناو سەرای سلێمانی بەڕێوەدەچێت.

هۆگر عومەر، سەرپەرشتیاری سەرای سلێمانی بە KNN راگەیاند: چالاكیەكان جۆراوجۆرن و لە رۆژی یەكەمدا چەند پێشانگایەكی شێوەكاری و فۆتۆگرافی و فۆلكلۆری دەكرێنەوە‌و چالاكیەكان رێزلێنانی چەند كەسایەتیەك ‌و كۆنسێرت و فێستیڤاڵی روناكبیری و چەند پانێڵێك لەخۆدەگرن و ماوەی سێ‌ رۆژ بەردەوام دەبێت.

   ئه‌مڕۆ 234ساڵ بەسەر دروستكردنی شاری سلێمانیدا تێدەپەڕێت كە ئیبراهیم پاشا لە ساڵی 1784 زاینی بەردی بناغەی داناو ئەو كات پایتەختی میرنشینی بابانەكان و ئێستاش پایتەختی رۆشنبیری هەرێمی كوردستانە.

582 جار خوێندراوەتەوە