ئێران؛ "سوڵتانی سكەی ئاڵتونی" لە سێدارە درا

02:49 - 14/11/2018
جیهان

كۆماری ئیسلامی ئێران، وەحید مەزلومین ناسراو بە "سوڵتانی سكە ئاڵتونیەكان" لەگەڵ هاوكارێكیدا بەتۆمەتی تێكدانی ئابوری وڵات لە سێدارە دا.

 

تەلەفزیۆنی فەرمی ئێران رایگەیاند: بەرەبەیانی ئەمڕ چوارشەممە، وەحید مەزلومین ‌و محەمەد ئیسماعیلی قاسمی لە سێدارەدراون، مەزلومین چەندین تۆمەتی دراوەتە پاڵ لەوانە بڵاوكردنەوەی گەندەڵی لە رێگەی دامەزراندنی چەند تۆڕێكەوە بۆ تێكدانی سیستەمی دارایی ‌و دراوی وڵات ‌و مامەڵەی نایاسایی.

هەروەها هەردوو تۆمەتبارەكە تۆمەتی یاریكردن بە بازاڕی دراوە قورسەكانیان دراوەتە پاڵ، مانگی تەمموزی رابردو وەحید مەزلومین بە تۆمەتی شاردنەوەی دوو تەن دراوی ئاڵتونی دەستگیركرا.

لە دوای سزاكانی ئەمریكاوە بۆ سەر ئێران، خەڵكی ئەو وڵاتە هەوڵی پاشەكەوتكردنی دراوی ئاڵتونی دەدەن ‌و ئەوەش دوای ئەوەی دراوی ناوخۆیی رۆژ لە دوای رۆژ بەهاكەی لە دەستدەدات.

5392 جار خوێندراوەتەوە