ئەمریكا؛لە هێرشە چەكداریەكەی ولایەتی كالیفۆرنیا 13 كەس كوژران

06:29 - 08/11/2018
جیهان

پۆلیسی كالیفۆرنیا؛  ئەنجامدەری هێرشەكە كوژراوە

ژمارەی كوژراوەكانی ئەو هێرشەی كەكرایە سەریانەیەكی شەوانە لەولایەتی كالیفۆرینای ئەمریكا گەیشتە 13 كەس،  هێرشبەرەكەو ئەفسەریكی پۆلیسیش لەنێو كوژراوەكاندان.

پۆلیسی ولایەتی كالیفۆرنیا بڵاویكردەوە، لەئەنجامی ئەو هێرشەی كە شەوی ڕابردوو كرایە سەر یانەی شەوانەی بۆردەر لاین لەشاری ساوزند ئۆكسی خۆرئاوای ولایەتەكە  13 كەس كوژران.

بەپێی هەواڵی میدیاكانی ئەمریكا هێرشبەرەكە و ئەفسەرێكی پۆلیس لەنێو كوژراوەكاندان، بەڵام هیچ ئاماژەیەك بە ژمارەی بریندارەكان نەكراوە.

ئاژانسەكانی هەواڵ بڵاویانكردەوە، زۆرینەی قوربانیانی ئەو هێرشە خوێندكاربون، چونكە ئەو یانەیە شەوانی چوارشەممە ئاهەنگی تایبەت بە خوێندكارانی زانكۆ رێكدەخات.

409 جار خوێندراوەتەوە