جەنەراڵ مۆتۆرز 18 هەزار كارمەند لە كارەكانیان دەردەكات

06:05 - 01/11/2018
زانستی

كۆمپانیای جەنەراڵ مۆتۆرزی ئەمریكی بۆ كەمكردنەوەی خەرجییەكانی، بژاردەی پێدانی قەرەبووی خستووەتە بەرەم 18 هەزار كارمەندی خۆی لە ئەمریكای باكوور، لە بەرانبەر دەركردنیان لە كارەكانیان.

بەپێی راگەیەنراوێكی كۆمپانیاكە، پێشنیارەكە خراوەتە بەردەم ئەو كارمەندانەی، كە ماوەی 12 ساڵ و زیاترە لەكۆمپانیاكەدا كار دەكەن.

ئەم بڕیارە دوای ئەوە دەركراوە، كە كۆمپانیاكە رایگەیاندبوو، لە چارەكی سێیەمی ئەمساڵدا بڕی دوو ملیارو 500 هەزار دۆلار قازانجی كردووە.

شارەزایانی بوارەكە پێشبینی دەكەن، پیشەسازیی ئۆتۆمبێل لەئایندەیەكی نزیكدا بەهۆی خاوبوونەوەی فرۆش لە ئەمریكاو چین و زیادكردنی باجی سەر ئەلەمنیۆم لەلایەن دۆناڵد ترامپەوە، دووچاری كێشە ببێتەوە.

جەنەراڵ مۆتۆرز لە ئەمریكا، كەنەداو مەكسیك نزیكەی 50 هەزار كارمەندی هەیە.

109 جار خوێندراوەتەوە