هەلیكۆپتەرە تایبەتەكەی خاوەنی یانەی لیستەر ستی كەوتە خوارەوە

12:41 - 28/10/2018
وەرزش

دوای تەواوبونی یاریی هەردوو یانەی لیستەر ستی و وێستهام لەخولی تۆپی پێی ئینگلتەرا بە یەكسان بوون، هەلیكۆپتەرە تایبەتەكەی فیكای سریفاد هانابرابای خاوەنی یانەی لیستەر ستی كەوتە خوارەوە.

بەپێی چەند سەرچاوەیەك دوای كاتژمێرێك لە تەواوبونی یاریی هەردوو یانەكە،  هەلیكۆپتەرە تایبەتیەكەی خاوەنی یانەی لیستەر ستی ئینگلیزی چەند مەترێك لەیاریگاكە دوركەوتوەتەوە و دواتر بەدەوری خۆیدا سوڕاوەتەوەو كەوتوەتە خوارەوەو ئاگری گرتوە.

فیكای هاوڵاتیەكی تایلەندیە و لەپلەی پێنجەمدا دێت لەریزبەندی دەوڵەمەندەكانی تایلەندو سامانەكەی بەچوار ملیارو 900 ملیۆن دۆلار دەخەمڵێنرێت. ساڵی 2010 یانەی لیستەر ستی ئینگلیزی كڕی.  

1112 جار خوێندراوەتەوە