هەڵەبجە؛ 2500 دەرچوو فۆڕم بۆ وەرگرتنی 25 وانەبێژ پڕدەكەنەوە

11:29 - 18/10/2018
کوردستان

هەڵەبجە؛ قەرەباڵغی زۆر بۆ وەرگرتنی فۆرم دەرچوانی نیگەران كردووە

دوو هەزار و پێنج سەد دەرچووی زانكۆ و پەیمانگاكانی سنوری پارێزگای هەڵەبجە فۆڕم بۆ وەرگرتنی 25 وانەبێژ پڕدەكەنەوە.


سەر لەبەیانی ئەمڕۆ هەزاران كەس لە دەرچوانی زانكۆ و پەیمانگاكانی سنوری پارێزگای هەڵەبجە ڕوویانكردە بینای یەكەی سەرپەرشتیاری سەر بە بەڕێوەبەرایەتی گشتی پەروەردەی هەڵەبجە، بەمەبەستی وەرگرتنی فۆڕم و پڕكردنەوەی فۆرمەكە بۆ ئەوەی وەك وانەبێژ دابمەزرێن.

دەرچوانی زانكۆ و پەیمانگاكان بەKNNیان ڕاگەیاند، خواستی زۆر لەسەر فۆڕمەكان و دروستبوونی قەرەباڵغی وایكردووە ماوەی چەند كاتژمێرێك بوەستن بۆ ئەوەی فۆڕمیان بەربكەوێت، ئاماژەیان بۆ ئەوەشكرد، دوو هەزار و پێنج سەد كەس هاتوون بۆ وەرگرتنی فۆڕم بەڵام بڕیارە تەنها 25 كەس وەربگیرێت، ئەوەش وایكردووە بێهیوابن لەوەرگرتنیان.

دەرچوان ئاماژەیان بۆ ئەوەشكرد، بەهۆی بێ پلانی حكومەتی هەرێمەوە بەتەواوی بێ ئومێد بوون.

 

7200 جار خوێندراوەتەوە