توركیا؛ دانیشتنێكی دیكەی دادگایی قەشە ئەندرۆ برۆنسن بەڕێوە دەچێت

11:57 - 12/10/2018
جیهان

ئەمڕۆ دانیشتنێكی دیكەی دادگایی قەشە ئەندرۆ برۆنسنی ئەمەریكی لەشاری ئیزمیری توركیا بەرێوەدەچێت، كە ماوەی 2 ساڵە بەتۆمەتی سیخوریكردن دەستگیركراوە.

میدیاكانی توركیا بڵاویانكردەوە، سەرلەبەیانی ئەمڕۆ  هێزە ئەمنیەكانی توركیا لە رێوشوینێكی ئەمنی تونددا قەشە ئەندرۆ برۆنسنیان لە شوێنی مانەوەی بۆ كۆمەڵگەی دادوەری عەلی ئاغا گواستوەتەوە بۆ ئەوەی لەبەردەم دادوەردا ئامادە بێت و دانیشتنێكی دیكەی دادگایكردنی بەرێوە بچێت.

ئەوە لە كاتێكدایە ماوەی 2 ساڵە ئەو قەشەیە لە لایەن حكومەتی توركیاوە بە تۆمەتی سیخوریكردن و ئەندامبوون لە گروپێكی نەیاری حكومەتی توركیا دەستگیركراوەو لە مانگی تەموزی رابردوشدا دادگای تاوانەكانی شاری ئیزمیر حوكمی زیندانیكردنی قەشە ئەندرۆ برۆنسنی لە زیندانیكردنەوە گۆڕی بۆ مانەوەی زۆرەملێ‌ لە ماڵەكەیی خۆیدا.

56 جار خوێندراوەتەوە