سلێمانی؛ تەرمی عەمید نەریمان لە گردی سەیوان بەخاك سپێردرا

11:33 - 12/10/2018
کوردستان

دوای ململانێیەكی سەخت لەگەڵ نەخۆشی، عەمید نەریمان حاجی عەزیز بەڕێوەبەری پێشوی هاتوچۆی سلێمانی كۆچی دوایكرد و ئەمڕۆ لە گردی سەیوان بەخاك سپێردرا.

درەنگانی شەوی رابردوو عەمید نەریمان حاجی عەزیز بەڕێوەبەری پێشوی هاتوچۆی سلێمانی و هەڵسوڕاوی دیاری بزوتنەوەی گۆڕان  لە شاری سلێمانی دوای ململانێكی سەخت لە گەڵ نەخۆشی كۆچی دوایی كرد.

سەرلەبەیانی ئەمڕۆ تەرمی عەمید نەریمان حاجی عەزیز، لە مزگەوتی  بەهەشتەوە بۆ گردی سەیوان بەڕێكرا و لەوێ‌ بەخاك سپێردرا, پرسەكەشی لە مزگەوتی عومەری كوڕی خەتاب لە شاری سلێمانی دەبێت.

عەمید نەریمان  لەگەڵ دروستبونی بزوتنەوەی گۆڕان پەیوەندی بە بزوتنەوەكە كردوەو هەڵسوڕاوێكی دیار بوە, لە مانگی ئایاری 2015 ش لەسەر پشكی بزوتنەوەی گۆڕان بوە بەڕێوەبەری هاتوچۆی پارێزگای سلێمانی.

 ساڵی 2010 لەكاتی هەڵبژاردنی پەرلەمانی عێراق، لەگەڵا ژمارەیەك ئەفسەری وەزارەتی پێشمەرگەو ناوخۆ ئازایانە لەسەر شاشەی KNN پشتیوانی خۆیان بۆ بزوتنەوەی گۆڕان راگەیاند.

8576 جار خوێندراوەتەوە