هەرێم؛ خوێندنی باڵا ناوی وەرگیراوانی زانكۆو پەیمانگاكان رادەگەیەنێت

03:39 - 11/10/2018
کوردستان

وەزارەتی خوێندنی باڵای حكومەتی هەرێم ناوی وەرگیراوانی زانكۆو پەیمانگاكان رادەگەیەنێت و لە سبەینێەوە  خوێندكاران لە رێگای ماڵپەڕی زانكۆلاینەوە دەتوانن ناوی خۆیان بدۆزنەوە.

خەتاب شێخانی سەرۆكی لیژنەی باڵای وەرگرتنی خوێندكاران لە وەزارەتی خوێندنی باڵا رایگەیاند: ژمارەی خوێندكاران، كە فۆرمیان پێشكەشكردوە بۆ وەرگرتنیان لە زانكۆ و پەیمانگاكان 54 هەزارو 42 خوێندكار بوە و لەو ژمارەیەش 28 هەزار و 609خوێندكار وەرگیراون و هێشتا كورسی بەتاڵ ماوە.

وتیشی: بۆ ئەمساڵی خوێندن بۆ هەر چوار سیستمی پارارێڵ و راستەوخۆ و ئێواران و زانكۆلاین، پلانی وەرگرتنی خوێندكاران هەبوە و لە سبەینێشەوە خوێندكاران دەتوانن لە رێگای سایتی زانكۆلاینەوە ناوی خۆیان بدۆزنەوە. 

 خوێندكاران دەتوانن تا 20 ی ئەم مانگە تانەی خۆیان پێشكەش بكەن و رۆژی 21 ی مانگیش یەكەم رۆژی دەوامی خوێندكارانی زانكۆو پەیمانگاكانە.

لێره‌وه‌ ناوه‌كه‌ت بدۆزه‌ره‌وه‌

1242 جار خوێندراوەتەوە