بەپەلە

كەركوك؛ بەهۆی تەقینەوەی بۆمبێكی چێنراو چوار كەس بونە قوربانی

09:39 - 11/10/2018
کوردستان

پۆلیسی كەركوك: لێكۆڵینەوە لە روداوەكە دەستیپێكردوە

بەهۆی تەقینەوەی بۆمبێكی چێنراو لە كەركوك چوار كەس بونە قوربانی و پۆلیسی كەركوكیش رایدەگەیەنێت: تا ئێستا هیچ كەسێك بە هۆكاری ئەنجامدانی تەقینەوەكە دەستگیرنەكراوە.


لە بارەی روداوەكەوە, ئەفراسیاو كامیل وتەبێژی پۆلیسی كەركوك بە KNN ی راگەیاند: سەرلەبەیانی ئەمڕۆ لەسەر رێگەی كەركوك-بەغداد بۆمبێك كە بە ئۆتۆمبێلێكەوە لكێنراوە  تەقیوەتەوەو بەهۆیەوە كەسێك گیانی لەدەستداوەو سێ كەسی دیكەش بریندار بوون.

وتیشی: لە دوای روداوەكە پۆلیس گەیشتوەتە شوێنی تەقینەوەكەو بریندارەكان بۆ نەخۆشخانەی كەركوك گوازراونەتەوە.

وتەبێژی پۆلیسی كەركوك ئاماژەی بەوەشكرد,  پەڕاوی لێكۆڵینەوەیان بۆ روداوەكە كردوەتەوە بەڵام تا ئێستا هیچ كەسێك بە هۆكاری ئەنجامدانی تەقینەوەكە دەستگیرنەكراوە.

1307 جار خوێندراوەتەوە