چەمچەماڵ: خولی سەركردە نەوشیروان مستەفا كۆتایی هات

12:21 - 02/10/2018
وەرزش

تیپی شەهید دیار بووە پاڵەوانی خولی سەركردە نەوشیروان مستەفا

خولێكی تۆپی پێی تیپە میللیەكان لە قەزای چەمچەماڵ كۆتایی هات و تیپی شەهید دیاریش دوای بردنەوەی لە تیپی ئاشتی نازناوی خولەكەی بەدەستهێنا.

بۆ ساڵی دووەم لەسەر یەك ژمارەیەك وەرزشكاری بە ئەزمون، بە شێوەیەكی خۆبەخش سەرپەرشتی خولێكی تۆپی پێی تیپە میللیەكانیان لە قەزای چەمچەماڵ كرد كە بە ناوی خولی سەركردە نەوشیروان مستەفا بۆ ئاشتی ئەنجامدرا.

ئەو خولە 34 تیپ لە پارێزگاكانی سلێمانی و كەركوك و هەڵەبجە و ئیدرەی راپەرین و كۆیە بەرێوەچوو.

لە یاریی كۆتایی خولەكەشدا تیپی شەهید دیار دوای بردنەوەی لە تیپی ئاشتی بە گۆڵێكی بێ‌ بەرامبەر سەركەوتنی تۆماركرد نازناوی خولەكەی بەدەستهێنا.
لێدوان.

یاریزانان و راهێنەران و وەرزشكاران كردنەوەی ئەو جۆرە خولانە بە گرنگ دەزانن و داوا دەكەن ساڵانە ئەو خولە بەردەوامی هەبێت.

لە دوای كۆچی دوایی رەوانشاد نەوشیروان مستەفا لە زۆربەی شارو شارۆچكەكانی هەرێمی كوردستان وەك رێزلێنا بۆ نیو سەدە لە خەبات و تێكۆشانی ئەو سەركردەیە، خول و پاڵەوانێتیی جۆراو جۆر دەكرێتەوە، لە قەزای چەمچەماڵیش بۆ دووەم ساڵی لەسەریەك ئەو خولە بەرێوەچوو.

2522 جار خوێندراوەتەوە