به‌ وێنه‌... توركیا هێزی زیاتر رەوانەی سوریا دەكات

05:11 - 14/09/2018
کوردستان

سوپای توركیا هێزی زیاتر رەوانەی سنوری سوریا دەكات، ئەوەش دوای ئەوە دێت ئەگەری دەستپێكردنی هێرشی زەمینی سوپای ئەسەد بۆ سەر شاری ئیدلب نزیكتر دەبێتەوە.

ئاژانسی ئەنادۆڵی توركیا، دیمەنی دەیان ئۆتۆمبێلی سەربازیی وڵاتەكەی بڵاوكردەوە، كە بە شاری كلیسی سنوریدا تێدەپەڕن و رەوانەی سنوری سوریا دەكرێن.

كاروانی پشتیوانی هێزەكانی توركیا تانك و زرێپۆش و ئۆتۆمبێلی سەربازیی و پێداویستیی لۆجستی لەخۆ دەگرێت و  لە یەكە جیاجیاكانی سوپای توركیاوە بۆ ناو سوریا رەوانەكراوە.

دوای هێرشی فڕۆكە جەنگیەكانی روسیا و سوریا بۆ سەر شاری ئیدلب لە ئێستادا سوپای سوریا خۆی بۆ هێرشی وشكانی بۆ سەر شارەكە ئامادە دەكات و ئەوەش نیگەرانی واشنتۆن و ناتۆو توركیای لێكەوتوەتەوە.

1391 جار خوێندراوەتەوە