ئێران؛ بومەلەرزەیەك لە پارێزگای كرمان روویدا

03:19 - 14/09/2018
جیهان

بەرەبەیانی ئەمڕۆ بومەلەرزەیەك بەپێوەری چوار پۆینت شەش پلە لەپارێزگای كرمانی ئێران روویدا.

ئاژانسی هەواڵی ئیرنای ئێران بڵاوی كردوەتەوە، بومەلەرزەكەی ئەمڕۆ لە شارۆچكەی هەژدەكی سەر بە پارێزگای كرمان روویداوە، كە دەكەوێتە باشوری خۆرهەڵاتی ئێران.


بەپێی ئامارەكانی سەنتەری جیۆفیزیایی تاران بومەلەرزەكەی ئەمڕۆی پارێزگای كرمان، لە قوڵایی 10 كیلۆمەتر لە ژێر زەویبەوە بووە، بەڵام سەبارەت بەزەرەرو زیانەكانی بومەلەرزەكە تائێستا هیچ زانیارییەك بڵاو نەكراوەتەوە.

رۆژی دووشەممەی رابردووش بومەلەرزەیەك بەگوڕی چوار پۆینت یەك پلە ناوچەی سەرپێڵی زەهاوی لەپارێزگای كرمانشان هەژاند.

2886 جار خوێندراوەتەوە