خواردنی‌ ماسی‌ بۆ گەشەی‌ كۆرپەلە بەسودە

08:31 - 11/09/2018
تەندروستی

بەپێی ئەنجامی‌ توێژینەوەیەكی‌ پزیشكی دەركەوتووە ماسی‌ نەك تەنیا سوودی‌ بۆ مرۆڤی‌ ئاسایی هەیە، بەڵكو سودێكی‌ زۆر بەو ژنانە دەگەیەنێت كە دووگیانن، بەتایبەت بۆ كۆرپەلەكانیان.

توێژینەوەكە لە ئەمریكا و لەسەر زیاتر لە هەزار و 500 ژنی دووگیان ئەنجامدراوە و داوایان لێكراوە بۆ ماوەیەك گرنگی بە خواردنی ماسی بدەن و ئەو خۆراكە لە ژەمەكانیاندا بونی هەبێت، دواتر لەدوای‌ 20 هەفتە لە منداڵ بوون توێژەرەكان چاودێری منداڵی ئەو ژنانەیان كردووە و بۆیان دەركەوتووە كە زۆر تەندروست ترن بەراورد بە كۆمەڵێك منداڵی دیكە كە دایكیان گرنگی بە خواردنی ماسی نەداوە.


سەرپەرشتیارانی توێژینەوەكە ڕایدەگەیەنن، قوڵیا دەریاكان چەندین ڕووەكی بەسودی تێدایە كە خواردنی سەرەكی ماسییەكانن و ئەو پێكهاتەی ئەو سەوازانەش دەچێتە لەشیانەوە، بۆیە كاتێك كەسێك ئەو ماسییە دەخوات سود لە پێكهاتەی ئەو سەوزانەش دەبێنێت، بۆ خانمانی دووگیانیش سودی بۆ كۆرپەكەیان دەبێت.

 

توێژینەوەكە داوا لە هاوڵاتیان بە گشتی و ژنانی دووگیان بە تایبەتی دەكات، بەردەوام گرنگی بە خواردنی ماسی بدەن و هەفتانە دووجار ئەو جۆرە خۆراكە لە ژەمەكانیاندا هەبێت.

498 جار خوێندراوەتەوە