ئایا بەرد و تەنە رەقەكانی دەوری زەوی جێگەی مەترسین

08:27 - 11/09/2018
زانستی

خێرایی ئەو تەنەرەقانە 11 كیلۆمەترە لە چركەیەكدا

زیاتر لە 700 هەزار تەنی رەق و بچوك لەدەوری گۆی زەوی دەسوڕێنەوە، خێرایی ئەو تەنانە یانزە كیلۆمەترە لە چركەیەكدا، تەنانەت بچوكترین پارچەشیان ئەگەر بەر مانگە دەستكردەكان بكەوێت زیانێكی گەورەی لێدەكەوێتەوە، جیالەوەی گەر ئەو تەنانە بەرگە هەوا ببڕن دەكەونە سەر زەوی، زانایانیش بەردەوام لەهەوڵی ئەوەدان ئامێرێك دروستبكەن تا ئەو تەنە رەقە بچوكانە لەدەوری یەك و لەشوێنێكدا كۆبكەنەوە،زانیاری زیاتر لەم راپۆرتەدا ببینن،

لە سەروی بەرگە هەواوە ژمارەیەكی ئێجگا رزۆر تەنی جیاواز بەبەردەوامی بەدەوری زەویدا دەخولێنەوە كە ڕێژەكەیان بە زیاتر لە 700 هەزار پارچەی قەبارە جیاواز مەزەندەدەكرێن، خێرایی ئەم تەنانە ئێجگار زۆرە لەبەر ئەوە پارچە بچوكەكانیش دەتوانن زیانێكی گەورە بە مانگە دەستكردەكان و  كەشتیە ئاسمانیەكان بگەیەنن كەلە دەوری زەوی دەسورێنەوە،
 
هەموو ئەو تەنانە بە تەكنەلۆژیایی پێشكەوتوو چاودێری ڕێڕەو و خێراییان و قەبارەكەیان دەكرێن، ئەگەر مەترسییەك دروستبكەن ئەوا ئاراستەی مانگەدەستكردەكان دەگۆردرێن،زۆرجار بەهۆی بەریەككەوتن و پارچە پارچەبوونەوە تەنی زۆرتر دروست دەبن.

 

زۆربەی جار بەهۆی هەڵدانی موشەكەوە لە روسیا تەنە رەق و بچوكانی دەوری زەوی لە قیرغیزستان و سیبریا و لە زۆرشوێنیتر كەوتونەتە خوارەوە.

ئەمە بەشێكە لە پارچەی ئەو مانگە دەستكردەی ئەمریكا كە لەساڵی 1979 لە ناوچەیەكی ئوستورالیا كەوتە خوارەوە، تا ئێستا بەپێی سەرچاوەكان بەهۆی كەوتنەخوارەوەی ئەو تەنە رەق و بچوكانە تەنها یەك جار پارچە بەر كەسێك كەوتوە, بەڵام خۆشبەختانە نەبووە هۆی گیان لەدەستدانی،ئەویش لە ساڵی 1999 بوو لە ئەمریكا.

 

ئەگەرچی بەردەوام زانایانی گەردوونی لە هەوڵی ئەوەدان خێرای و جوڵەی ئەو تەنانە لە ئاستێكی دیاریكراودا بهێڵنەوە و یان لە خاڵێكا كۆیان بكەنەوە, بەڵام تا ئێستا سەركەوتوو نەبوون.

778 جار خوێندراوەتەوە