وەزارەتی دارایی هەرێم ڕاگەیەندراوێکی بڵاوکردەوە و دەڵێت لیستی موچەی 11 ڕادەستی بەغدادکرد.

هەواڵ:KNNC


وەزارەتی دارایی و ئابوریی حکومەتی هەرێمی کوردستان ڕاگەیەندراوێکی بڵاوکردەوە و ڕایگەیاند: لیستی موچەی مانگی تشرینی دووهەم-11 ڕادەستی وەزارەتی دارایی حکومەتی فیدراڵ کرا.

وەزارەتی دارایی: ڕۆژی یەک شەممە 7ی ی کانوونی یەکەمی 2025 لیستی موچەی مانگی تشرینی دووەمی فەرمانبەران و مووچەخۆرانی هەرێمی کوردستان لەلایەن تیمی تەکنیکی وەزارەتی دارایی و ئابووری هەرێمی کوردستانەوە ڕادەستی فەرمانگەی ژمێریاری وەزارەتی دارایی حکومەتی فیدراڵ کرا.

ئەوەش لە کاتێکدایە موچەخۆرانی هەرێمی کوردستان موچەی مانگی ئەیلول-9یان وەرگرتوە و سێ موچەی کۆتا مانگەکانی دیکەش دیارنییە کەی دابەشدەکرێت، لە کاتێکدا کەمتر لە 20 ڕۆژ ماوە بۆ داخستنی ساڵی دارایی لە عێراق...