سەرۆکی فەڵەستین دەڵێت دەبێت حەماس چەکەکانی ڕادەست بکات و ئیسرائیلیش بەتەواوەتی بکشێتەوە لە خاکەکەیان.

هەواڵ:KNNC

مەحمود عەباس سەرۆكی دەسەڵاتی فەڵەستین ڕایگەیاند: هەموو هەوڵێک دەدەن بۆ ئەوەی شەڕ لە غەززە کۆتاییبێت و ئاشتیی بەدیبێت و ڕێگری بکەن لە کۆچی زۆرەملێی دانیشتوان، بەپێی پلانە پێشنیارکراوەکەی دۆناڵد ترەمپ.

مەحمود عەباس سەرکۆنەی هێرشەکانی دوو ساڵ بەر لەئێستا واتا 7ی تشرینی یەکەمی سەر ئیسرائیلی کرد و وتی، هەرچی زووە ئەو دۆخە کۆتایی بێت، ئەویش بەوەی  بزوتنەوەی حەمماس کۆتایی بە دەسەڵاتی بهێنێت و چەکەکانی ڕادەستی دەوڵەت بکات و لەبەرامبەریشدا ئیسرائیل لە خاکی فەڵەستین و بەتایبەت کەرتی غەززە بە تەواوەتی بکشێتەوە، لە تەواوی پرسەکانیشدا مەرجە فەڵەستین دەسەڵاتی باڵای هەبێت.

سەرۆکی فەڵەستین جەختی لە چارەسەری دوو دەوڵەتی کردەوە و ڕایگەیاند: بۆ ئەوەی فەڵەستین و ئیسرائیل پێکەوە لە ئارامیی و ئاشتیی و ئاساییشدا بژین دەبێت ئەو چارەسەرە جێبەجێ بکرێت...