په‌رله‌مانتارێكی ئێرانی مه‌رجه‌كانی دۆناڵد تره‌مپ سه‌رۆكی ئه‌مریكای بۆ دانوستان له‌گه‌ڵ وڵاته‌كه‌ی ئاشكرایكرد كه‌ خۆی له‌سێ مه‌رجدا ده‌بینێته‌وه‌.

هەواڵ:KNNC

ماڵپه‌ڕی شه‌هر خه‌به‌ر، لە زاری موجتەبا زولنوری، ئەندامی کۆمیسیۆنی ماف و دادی پەرلەمانی ئێران، بڵاوی کردەوە، سەرۆکی ئەمەریکا له‌رێگه‌ی موحه‌مەد بن سەلمان، شازادەی جێنشنی سعودیە، ، سێ مەرجی بۆ دانوستان لەگەڵ ئێران ڕاگه‌یاندوه‌ كه‌ ئه‌وانیش بریتین له‌: ڕاگرتنی پیتاندنی یۆرانیوم، هاوكاری نه‌كردنی به‌ره‌ی به‌رخودان و مقاوه‌مه‌ له‌گه‌ڵ كه‌مكردنه‌وه‌ی مه‌ودای موشه‌كه‌كانی ئێران.

به‌وته‌ی زولنوری پێویسته‌ دانوستان و گفتوگۆلەسەر بنەمای پێدان و سه‌ندن  بێت، نەک له‌سه‌ر بنه‌مای خواست و به‌رژه‌وه‌ندی لایه‌نی به‌رامبه‌ر هه‌ربۆیه‌ ئه‌و مه‌رجانه‌ی تره‌مپ له‌لایه‌ن تارانه‌وه‌ په‌سه‌ندكراوو لۆژیكی نین.