شەپۆلێکی بەهێزی بارانبارین ڕوو لە هەرێمی کوردستان دەکات و کەشناسێک دەڵێت: جیا لە پەڵە کانیاو و سەرچاوەئاوییەکانیش دەژیەنەوە.

هەواڵ:KNNC

نزیک دەبینەوە لە کۆتاییەکانی پاییز و تا ئێستا چەند بارانێکی کەم هەرێمی کوردستانی گرتوەتەوە، لەبارەی پێسبینی نوێ بۆ بارانبارین، کەشناس شاڵاو هیدایەت بە کەی ئێن ئێنی ڕاگەیاند: لە کۆتایی یەکەمین هەفتەی ئەم مانگە، واتا تا ناوەڕاستی هەفتەی داهاتوو، شەپۆلێکی بەهێزی بارانبارینی ماوەدرێژ ڕوو لە هەرێمی کوردستان دەکات.

ئەو کەشناسە وتیشی، لەم شەپۆلەوە هەرێمی کوردستان بەتەواوەتی دۆخی وشکیی پاییز و بێبارانی تێدەپەڕێنێت و دەچێتە ناو زستان و تەواو تەڕ و باراناویی.

بەگوێرەی پێشبینییەکانی شاڵاو هیدایەت، شەپۆلی ئەمجارەی بارانبارین کە یەکەمین و دووهەمین هەفتەی ئەم مانگەن، دەبێتە هۆی دروستبوونی لافاوی بەهێز، هەروەها زۆربەی کانیاو و ڕووبار و چەم و بیر و سەرچاوەئاوییەکان دەژیەنەوە.

لەبارەی پەڵەدانیش مژدەی بە جوتیاراندا کە لەم شەپۆلەدا و لە کەمتر لە دوو هەفتەدا لە تەواوی هەرێمی کوردستان پەڵەدەدات....