بەغداد نزیکەی 950 ملیار دیناری خستە سەر هەژماری بانکیی هەرێم و موچەی سێ مانگ پێش ئێستای پێدابەشدەکرێت.


هەواڵ:KNNC

وەزارەتی دارایی و ئابوریی حکومەتی هەرێمی کوردستان ڕاگەیەندراوێکی بڵاوکردەوە و ڕایگەیاند: زیاتر لە 941 ملیار دینار لەلایەن وەزارەتی دارایی عێراقەوە خراوەتە سەر هەژماریی بانکیان.

لە ڕاگەیەندراوەکەی وەزارەتی دارایی و بابورییدا هاتوە، ڕۆژی شەممە 29ی 11ی 2025  بڕی (941،874،000،000) نۆ سەدو چل و یەک ملیارو هەشت سەدو حەفتاو چوار ملیۆن دینار وەک پارەی موچەی مانگی ئەیلولی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عێراق.

پاش ئەوەی وەزارەتی دارایی عێراق پارەی موچەی سێ مانگ پێش ئێستای خەرجکرد، چاوەڕاندەکرێت بە زنیکترین کات وەزارەتی دارایی خشتەی موچە بڵاوبکاتەوە، ئەوەش لە کاتێکدایە جگە موچەی خەرجکراو، سێ موچەی دیکەی ئەمساڵ ماوە و تەنها یەک مانگیش ماوە بۆ کۆتاییهاتنی ساڵ...