دوای تەقەکردنەکەی ڕۆژی چوارشەممەی رابردوی نزیک کۆشکی سپی،ئەمریکا زنجیرەیەک ڕێوشوێنی بەپەلەی گرتەبەرو، پێدانی مافی پەنابەری تا کاتێکی نادیار ڕاگرت.
هەواڵ:KNNC
جۆزێف ئێدلۆی بەڕێوەبەری خزمەتگوزارییەکانی ڕەگەزنامە و کۆچبەری ئەمریکا لە پۆستێکدا لە پلاتفۆرمی ئێکس ڕایگەیاند .کە دەزگاکەیان بڕیاری داوە هەموو بڕیارەکانی پەنابەری ڕابگرێت تا ئەو کاتەی دەتوانین دڵنیابین لەوەی "هەموو هاووڵاتییەکی بیانی کەوتوەتە ژێر وردترین پشکنین و پشکنینی پێویستیانبۆ کراوە"، جەختیشی لەوە کردەوە کە "هەمیشە سەلامەتی گەلی ئەمریکا لە پێش هەموو شتێکەوەیە".
لە هەنگاوێکی پەیوەندیداردا، مارکۆ ڕوبیۆ، وەزیری دەرەوەی ئەمریکا ڕاگرتنی پێدانی ڤیزەی بۆ سەرجەم هەڵگرانی پاسپۆرتی ئەفغانی ڕاگەیاند.
ڕوبیۆ ئاماژەی بەوەشکرد، وەزارەتی دەرەوە "بڕیاری داوە پێدانی ڤیزا بۆ هەموو ئەو کەسانەی بە پاسپۆرتی ئەفغانستان گەشت دەکەن ڕابگرێت"، جەختیشی لەوە کردەوە کە "پاراستنی گەلەی ئەمریکا لە پێشینە کارەکانیانە".
تا ئێستا دەسەڵاتداران ڕایان نەگەیاندووە کە ئایا ئەو ڕێوشوێنە نوێیانە کاتییە یان دەبنە سیاسەتێکی درێژخایەن، چونکە تا ئێستا لێکۆڵینەوە لە ڕوداوی تەقەکردنەکەی کۆشکی سپی کۆتایی نەهاتوە.
111 جار خوێندراوەتەوە