لە سبەینێوە شەپۆلێکی بارانبارین ناوچەکە دەگرێتەوە و کەشناسێکیش دەڵێت بە بارانبارینی باش کۆتایی بە پاییزدێت و دەچینە ناو زستانەوە.

هەواڵ:KNNC


کەشناسی عێراق پێشینییەکانی کەشوهەوای بڵاوکردەەوە و ڕایگەیاند: لەمڕۆ شەممەوە جوڵەی هەورەکان زیاددەکات و ئاسمان نیمچەهەور دەبێت بە تایبەت لە ناوچەکانی هەرێمی کوردستان و شەوان و دەمەوبەیانیش پلەکانی گەرما ڕوو لە دابەزینی زۆر دەکەن.

بەپێی پێشبینییەکان لە سبەینێ یەکشەممە شەپۆلێکی سێڕۆژەی  بارانبارین ڕوو لە ناوچەکە دەکات و کاریگەرییەکەی لەسەر تەواوی هەرێمی کوردستان و بەشێک لە عێراق دەبێت، بارانەکە هەورەبروسکە و ڕەشەباشی لەگەڵ دەبێت، لە ناوچەشاخاوییەکانیش سەرمای تەواو دەبێت.

کەشناسیی ئاماژەی بەوەشداوە، بەهۆی چالاکیی باوە هەوا پیسکەرەکانی هەواش دەجوڵێن، ئەوەش وادەکات ئاستی بینین کەمببێتەوە.

لای خۆشییەوە کەشناس شاڵاو هیدایەت بە کەی ئێن ئێنی ڕاگەیاند: لەگەڵ چوونە ناو مانگی نوێ کەشوهەوا گۆڕانکاریی تەواوی بەسەردا دێت بارانێکی زۆر بۆ ئەو مانگە بەڕێوەیە و بەپێی ئاماژەکان و ئەزموونیان وەک شارەزایەکی کەشناسیی، لەدوای سەرەتایەکی وشک و کەمبارانیی لە مانگی 12 دواتر بارانێکی زۆر بەڕێوەیە.

وردەکاری زیاتری خستوڕرو ئاماژەی بەوەکرد، بارانبارینەکانی مانگی داهاتوو بەزۆری لە ناوەڕاستی مانگەکەدا دەبن، لە کۆتاییەکانی پاییز و سەرەتاکانی زستاندا بارانێکی زۆرباش و تەڕوتوشی زۆری تێدایە بۆ تەواوی هەرێم و عێراق و وڵاتانی دەوروبەر، کە ئەگەری لافاوی بەرفراوانی لەگەڵدایە...