ئەمینداری حزبوڵڵای لوبنان چەکدادان ڕەتدەکاتەوە و دەڵێت دەبێت ئیسرائیل لە لوبنان بکشێتەوە ئینجا دانوستان دەکەن.

هەواڵ:KNNC

نەعیم قاسم ئەمینداری گشتیی حزبوڵڵای لوبنان لە نوێترین لێدوانیدا ڕایگەیاند: حزبوڵڵا بەهیج جۆرێک دەستبەرداری خەباتی چەکداریی نابێت و ئەوەی ئەمەریکا لە حکومەتی لوبنانی داوا دەکات لەبارەی چەکدادان فەرمانە ئەوان دەیانەوێت سوپای لوبنان پڕچەک بکەن و شەڕی ناوخۆیی دورستبکەن.

ئەمینداری حزبوڵڵا وتوشییەتی، ئەگەر باشوری لوبنان بەهۆی ئەمەریکا و ئیسرائیلەوە خوێنی لێبچۆڕێت، ئەوا دەبێتە خوێنبەربوون و تەواوی وڵاتەکە دەگرێتەوە.

نەعیم قاسم جەختی لە درێژەدان بە خەباتی چەکداریی کردوەتەوە و وتویەتی، بەردەوام دەبن لە بەرگریکردن لە گەلی لوبنان و هەموو شتێک نرخی لەخوار چەکدانانەوەیە.

لەبارەی دانوستان و ئاگربەست ئاماژەی بەوەداوە، دەبێت ئیسرائیل بەتەواوەتی لە لوبنان بکشێتەوە ئەو کات حزبوڵڵا ئامادەی گفتوگۆیە و مەرجیس ئەوەیە کە هیچ وڵاتێک وەک نێوەندگیر لە پرسەکەدا بەشداریی نەکات، چونکە باباتەکە پەیوەستە بە دۆخی لوبنان و سەروەریی خاکاکەیەوە نەک وڵاتانی دیکە، بۆیە بەشداربوونی هەر لایەنێکی زلهێز ڕەتدەکەنەوە...