وتەبێژی کۆشکی کریملن ڕایدەگەیەنێت: کۆبوونەوەی ڤیلادیمێر پۆتین و دۆناڵد ترەمپ هیچ پێویست نییە بەرپرسێکی ڕوسییش دەڵێت: ناردنی چەک بۆ ئۆکراین شەڕ گەرمتر دەکات.

هەواڵ:KNNC

دیمیتری پیسکۆڤ وتەبیژی کۆشکی کریملن ڕایگەیاند: بە هیچ شێوەیەک کۆبوونەوەی نێوان ڤیلادیمێر پۆتینی سەرۆکی ڕوسیا و دۆناڵد ترەمپی سەرۆکی ئەمەریکا بۆ قۆناغی ئێستا پێویست نییە.

ئاماژەی بەوەشدا کە دانوستان و گفتوگۆکردن لەپێشینەی کارەکانی ڕوسیایە بۆ کۆتاییهێنان بە شەڕی ئۆکراین نەک ڕێگەیتر.

لەلایەکی دیکەوە ماریا زاخارۆڤا وتەبێژی وەزارەتی دەرەوەی ڕوسیا ڕایگەیاند: ناردنی چەک بۆ ئۆکراین خزمەت بە پرسی وەستاندنی شەڕ ناکات و بەپێچەوانەوە کێشەکان قوڵتر دەکەنەوە و شەڕ گەرمتر دەکەن.

ئەوەش دوای ئەوەی پرسی ناردنی موشەکی تۆماهۆک دێت لەلایەن ئەمەریکاوە بۆ ئۆکراین...