ڕەجەب تەیب ئەردۆغان لەبارەی پڕۆسەی چارەسەریی دەڵێت: لە ساڵێکدا دەستکەوتی گرنگیان بۆ تورکیا بەدەستهێناوە و چاودێری کشانەوەی گەریلا دەکەن، نەک لە تورکیا بەڵکو تیرۆر لە ناوچەکە ناهێڵن.


هەواڵ:KNNC

ڕەجەب تەیب ئەردۆغان سەرۆککۆماری تورکیا و سەرۆکی پارتی داد و گەشەپێدان-ئاکپارتی لە کۆبووەنەوەی حزبەکەیدا قسەی لەبارەی پڕۆسەی چارەسەریی لە باکوری کوردستان و تورکیا کرد و ڕایگەیاند: لە ماوەی یەک ساڵی پڕۆسەکەدا تورکیا زۆر دەستکەوتی گرنگی بەدەستهێناوە و پێشکەوتنێکی بەرچاو بۆ بەدیهێنانی ئامانجەکانیان بەخۆوە بینیوە.

لەبارەی هەنگاوەکانی پڕۆسەکە ڕایگەیاند: لەگەڵ پارتی یەکسانی و دیموکراسی گەلان-دەمپارتی لە دوو ڕۆژی ڕابردوودا کۆبوونەوەیەکی باشیان ئەنجامداوە و کارەکانی کۆمسیۆنە پەرلەمانییەکەش بەردەوامن.

سەرۆکی ئاکپارتی لەبارەی هەنگاوەکانی کورد و پەکەکە جارێکی دیکە باسی لە تورکیای بێتیرۆرکرد و پارتی کرێکارانی کوردستانی بە تیرۆرست ناوبرد و ئاماژەی بەوەدا، دوای هەڵوەشاندنەوەی ڕیکخراوەکەیان، ئێستا تورکیا بە وردیی چاودێری پڕۆسەی کشانەوەی گەریلایە لە سنورەکانیان.

ڕەجەب تەیب ئەردۆغان وتیشی، بەردەوام دەبن لە ڕووبەڕووبوونەوەی تیرۆر و نەک تەنها لە تورکیا، بەڵکو لە تەواوی ناوچەکە کۆتایی بە تیرۆر دەهێنن...